মই মুছলমান , পত্নী হিন্দু আৰু আমাৰ ল’ৰা-ছোৱালী প্ৰকৃত ভাৰতীয় ! ছ’চিয়েল মিডিয়াত ভাইৰেল এক ভিডিঅ’
নিয়মীয়া বাৰ্তা, ২৬ জানুৱাৰীঃ ‘মই মুছলমান , মোৰ পত্নী গৌৰী হিন্দু । তেতিয়াহ’লে আমাৰ সন্তান কেইটা প্ৰকৃত ভাৰতীয় ।’ ২৬ জানুৱাৰীৰ গণৰাজ্য দিৱসৰ দিনা ছ’চিয়েল মিডিয়াত ভাইৰেল হৈ পৰিছে বলীউদৰ বাদশ্বাহ শ্বাহৰুখ খানৰ এই ভিডিঅ’ ।
ডান্স প্লাছ ৫ নামৰ এটা টিভি শ্ব’ত উপস্থিত এইদৰেই মন্তব্য কৰিছিল শ্বাহৰুখ খানে । শ্বাহৰুখে কয় যে তেওঁৰ ঘৰত হিন্দু, মুছলমান অথবা কোন কি ধৰ্মৰ তাক লৈ কোনোদিনেই হোৱা নাই চৰ্চা । বিদ্যালয়ৰ কিছু প্ৰ-পত্ৰত ধৰ্ম কি সেইটো পূৰণ কৰিবলগীয়া হয় । শ্বাহৰুখ খানৰ কন্যাই এদিন তেওঁক সোধে যে, তেওঁলোক কোন ধৰ্মৰ ? তেতিয়া তেওঁ নিজৰ কন্যাক কৈছিল যে আমি ভাৰতীয় আমাৰ কোন বিশেষ ধৰ্ম নাই অথবা হোৱাও উচিত নহয় ।
My wife is Hindu, I am a Muslim and my kids are Hindustan. My daughter was asked the religion in school form, I told her we are Indians ?? ❤️ – The pride of India Shah Rukh Khan. #RepublicDayIndia #RepublicDay2020 pic.twitter.com/Qk95xxLT3j
— Neel Joshi (@neeljoshiii) January 25, 2020
গণৰাজ্য দিৱসৰ দিনাই ছ’চিয়েল মিডিয়াত ভাইৰেল হৈ পৰা এই ভিডিঅ’ই এতিয়া দেশজুৰি লাভ কৰিছে বিশেষ চৰ্চা । প্ৰসংগক্ৰমে শ্বাহৰুখ খানে কয় যে, যিদৰে আমি সকলো লগ হৈ ঈদ পালন কৰোঁ ঠিক একেদৰেই গণেশ চতুৰ্থীও পালন কৰোঁ ।