বিশেষ বাৰ্তা, ৩০ মেঃ ছুপাৰষ্টাৰ আমিৰ খানৰ ভগ্নী তথা অভিনেত্ৰী, প্ৰযোজক নিখাত খানে টেলিভিছনত আত্মপ্ৰকাশ কৰিবলৈ সাজু হৈছে। ষ্টাৰ প্লাছ আৰু ডিজনী প্লাছ হটষ্টাৰ শ্ব’ত দেখা যাব নিখাত খানক। বিখ্যাত টিভি প্ৰযোজক শশী মিট্টালে নিৰ্মাণ কৰা এই অনুষ্ঠানত মুখ্য চৰিত্ৰত অভিনয় কৰিছে উল্কা গুপ্তা আৰু প্ৰৱিষ্ঠ মিশ্ৰই। আমিৰ খানৰ ভগ্নী নিখাতৰ উপৰি ৰাজেন্দ্ৰ চাওলা, হৰ্ষ বশিষ্ঠ, বিশাল পুৰী, পাৰ্বতী ছেহগল, আয়ুষ আনন্দ, পূজা সিং আদিও সহযোগী অভিনেতা-অভিনেত্ৰী হিচাপে আছে। বাংলাভাষী দৰ্শকৰ বাবে সাজু কৰা মনোৰঞ্জন চেনেল ষ্টাৰ জলছাৰ শ্ব’ খুকুমনি হোম ডেলিভাৰীৰ হিন্দী অভিযোজন এইটো শ্ব’। প্ৰযোজক হিচাপে নিখাত খানে ভায়েকৰ ছবি লগান, হম হেই ৰাহী প্যাৰ কে, টুম মেৰে হো আদিৰ আঁৰত আছে। মিছন মংগল, ছান্দ কী আঁখ, তনহাজী আদি ছবিত অভিনেত্ৰী হিচাপেও দেখা গৈছিল নিখাটক।