বিশেষ বাৰ্তা, ২৩ এপ্ৰিলঃ ষ্টাৰকীডৰ কথা গোপনে ৰখা যায় জানো! এইবাৰ সংবাদ শিৰোণামত অমিতাভ বচ্চনৰ নাতিনী নব্যা নাভেলী নন্দা। প্রেমত পৰিছে নব্যা নন্দা। তাকে লৈ এতিয়া খুব আলোচনা আৰম্ভ হৈছে ছ’চিয়েল মিডিয়াত। সিদ্ধান্ত চতুর্বেদীৰ সৈতে নব্যাৰ প্রেমৰ সম্পর্কক লৈ বি-টাউন এতিয়া গৰম। তেওঁলোকৰ ছ’চিয়েল মিডিয়া পোষ্ট দেখি উত্তেজনা আৰু চেপি ৰাখিব পৰা নাই অনুৰাগীয়ে। দুয়োৰে পোস্টে প্রেমৰ ইংগিত দিছে। অমিতাভ-কন্যা শ্বেতাৰ জীয়ৰী নব্যা নন্দাই বুধবাৰে নিজৰ এখন ফটো ইনষ্টাগ্রামত পোষ্ট কৰিছে। সেই ফটোৰ বেকগ্রাউণ্ডত আছে জোন। কিন্তু ফটোখন কোনে তুলিছে সেয়া আধা লিখি বাকীখিনি আধৰুৱা কৰি ৰাখিছে নব্যাই। তাৰে কেই ঘণ্টা পাছত ‘গেহেৰাইয়ান’ খ্যাত অভিনেতা সিদ্ধান্ত চতুর্বেদীৰ এটি ভিডিঅ’ পোষ্ট, যাৰ কেপছনত সিদ্ধান্তে জোনটোৰ কথাই উল্লেখ কৰিছে। ইয়াৰ পাছতে তেওঁলোকৰ মাজত প্ৰেমৰ ইংগিত পাইছে সকলোৱে।