বিশেষ বাৰ্তা, ৬ জুনঃ বলীউডৰ কিং খান ক’ভিড-১৯ পজিটিভ হৈছে। ইপিনে, সংবাদ সূত্ৰৰ মতে অভিনেত্ৰী কেটৰিনা কাইফৰো শেহতীয়াকৈ পজিটিভ পোৱা গৈছিল আৰু আইআইএফএ ২০২২ৰ অনুষ্ঠান এৰিবলগীয়া হৈছিল, য’ত তেওঁৰ স্বামী অভিনেতা ভিকি কৌশল শ্ৰেষ্ঠ অভিনেতা হিচাপে পুৰষ্কৃত হৈছিল। পশ্চিম বংগৰ মুখ্যমন্ত্ৰী মমতা বেনাৰ্জীয়ে বলীউডৰ ছুপাৰষ্টাৰগৰাকীৰ দ্ৰুত আৰোগ্য কামনা কৰিছে। মহাৰাষ্ট্ৰত সংক্ৰমণৰ সংখ্যা তীব্ৰভাৱে বৃদ্ধি পোৱাৰ সময়তে শেহতীয়াকৈ বলীউডৰ কেইবাগৰাকীও অভিনেতাৰ দেহত কৰ’না ভাইৰাছৰ অৱস্থিতি ধৰা পৰিছে। শণিবাৰে বলীউডৰ অভিনেতা কাৰ্তিক আৰিয়ান ক’ভিড পজিটিভ হৈছে। অক্ষয় কুমাৰে কাঁ চলচ্চিত্ৰ মহোৎসৱত ইণ্ডিয়া পেভিলিয়ন ভ্ৰমণ বাতিল কৰিছিল ক’ভিড পজিটিভ হোৱাৰ বাবেই। দেওবাৰে মহাৰাষ্ট্ৰত ক’ভিড পজিটিভৰ সংখ্য়া আছিল ১৪০০ৰো অধিক। ৯৬১ জন নতুনকৈ আক্ৰান্তৰে ৰাজ্যখনৰ মুঠ আক্ৰান্তৰ প্ৰায় ৬০ শতাংশই মুম্বাইত।