নিয়মীয়া বাৰ্তা, ১১ ডিচেম্বৰ: হায়দৰাবাদৰ সমীপৰ আদিবাটলাত আঙঠি পিন্ধোৱা পর্বৰ মাত্র কেইঘণ্টামান পূর্বে ৫০জনীয়া সশস্ত্র দুর্বৃত্তৰ দল এটাই মহিলা চিকিৎসক এগৰাকীক অপহৰণ কৰাক লৈ চাঞ্চল্যৰ সৃষ্টি হয়৷ দুর্বৃত্তৰ দলটোৱে চাৰিখন কাৰ আৰু এখন ট্রাকত আহি মহিলা চিকিৎসকগৰাকীৰ বাসগৃহত প্রৱেশ কৰি আচবাব–পত্র লণ্ডভণ্ড কৰাৰ লগতে আঙঠি পিন্ধোৱা পর্বৰ বাবে প্রস্তুতি চলোৱা চিকিৎসকগৰাকীক অপহৰণ কৰি নিয়ে৷ এম বৈছালী ৰেড্ডী নামৰ মহিলা চিকিৎসকগৰাকীৰ পৰিয়ালৰ লোকে কে নবীন ৰেড্ডীক সন্দেহ কৰি ৰাছাকণ্ডা থানাত এজাহাৰ দাখিল কৰাত আৰক্ষীয়ে অভিযান চলাই কেইবা ঘণ্টাৰ ভিতৰতে মহিলা চিকিৎসকগৰাকীক উদ্ধাৰ কৰিবলৈ সক্ষম হয়৷ এই ঘটনাত জড়িত ৩১জনক আৰক্ষীয়ে গ্রেপ্তাৰ কৰে৷