বিশেষ বাৰ্তা, ১২ মাৰ্চঃ পাঞ্জাবৰ বিধানসভা নিৰ্বাচনত অভূতপূৰ্ব সফলতা লাভ কৰা আম আদমী পাৰ্টীয়ে অহা ১৬ মাৰ্চত চৰকাৰ গঠন কৰিব। আপৰ হ’বলগীয়া মুখ্যমন্ত্ৰী ভগবন্ত মানে আজি ৰাজভৱনলৈ গৈ ৰাজ্যপাল বনবাৰী লাল পুৰোহিতক সাক্ষাৎ কৰে আৰু সকলো বিধায়কৰ সমৰ্থন পত্ৰ প্ৰদান কৰে। তেওঁ জনায় যে শ্বহীদ ভগৎ সিঙৰ গাওঁ খটকৰ কলনত দুপৰীয়া ১২.৩০ বজাত শপত গ্ৰহণ কৰিব। পাঞ্জাবৰ সকলো লোককে শপতগ্ৰহণ সমাৰোহলৈ আহিবলৈ নিমন্ত্ৰণ দিছে হ’বলগীয়া মুখ্যমন্ত্ৰীয়ে। আৰু ৰাজ্যখনৰ প্ৰতি ঘৰৰ পৰাই লোক এই শপতগ্ৰহণ সমাৰোহলৈ আহিব বুলিও কয়। তেওঁৰ কাৰ্যকালত জনতাই ব্যতিক্ৰমী, উন্নত কেবিনেট এখন দেখিবলৈ পাব বুলিও জনায় মানে।