বিশেষ বাৰ্তা, ১৬ ডিচেম্বৰঃ ২০২২ চনৰ এপ্ৰিল মাহত আফগানিস্তানৰ পৰা ভাৰত-পাকিস্তান সীমান্তৰ মাজেৰে ১০২ কিলোগ্ৰামতকৈ অধিক নিচাযুক্ত দ্ৰব্য সৰবৰাহৰ সৈতে জড়িত আটাৰী সীমান্তত হেৰ’ইন জব্দ কৰাৰ গোচৰত পলায়ন কৰা এজন মূল অভিযুক্তক গ্ৰেপ্তাৰ কৰিছে এন আই এয়ে। তদন্তকাৰী সংস্থাটোৰ উদ্ধৃতি দি আজি সংবাদ সংস্থা এএনআইয়ে এই তথ্য প্ৰদান কৰে। অভিযুক্তৰ নাম পঞ্জাৱৰ তৰ্ণ তৰণ জিলাৰ বাসিন্দা অমৃতপল সিং। ডুবাইলৈ পলায়ন কৰিবলৈ যাওঁতে অভিযুক্তক গ্ৰেপ্তাৰ কৰে। এই গোচৰত গ্ৰেপ্তাৰ হোৱা তৃতীয়জন ব্যক্তি অমৃতপল সিং। এন আই এয়ে কয় যে তদন্তৰ পৰা জানিব পৰা গৈছে যে অমৃতপাল এজন কেছ হেণ্ডলাৰ আছিল আৰু বেংকিং আৰু হাৱালা চেনেলৰ জৰিয়তে ড্ৰাগছৰ উপাৰ্জন সৰবৰাহত জড়িত আছিল। এই গোচৰটো মুঠ ১০২.৭৮৪ কিলোগ্ৰাম হেৰ’ইন উদ্ধাৰ আৰু জব্দ কৰাৰ সৈতে জড়িত, যাৰ মূল্য প্ৰায় ৭০০ কোটি টকা। ভাৰতীয় শুল্ক বিভাগে ২০২২ চনৰ ২৪ আৰু ২৬ এপ্ৰিলত দুটাকৈ জব্দ কৰিছিল, যেতিয়া অমৃতসৰৰ আত্তাৰীৰ ইন্টিগ্ৰেটেড চেক পোষ্টৰ জৰিয়তে আফগানিস্তানৰ পৰা ভাৰতত উপস্থিত হৈছিল এই ড্ৰাগছ। সুৰাৰ চালানত লুকুৱাই ৰাখিছিল ড্ৰাগছ। যোৱা ১২ ডিচেম্বৰত অমৃতসৰ আন্তঃৰাষ্ট্ৰীয় বিমানবন্দৰৰ পৰা ডুবাইলৈ পলায়ন কৰিবলৈ যাওঁতে অমৃতপালক আটক কৰিছিল। এন আই এয়ে অভিযুক্তৰ বিৰুদ্ধে জাৰি কৰা লুক আউট চাৰ্কুলাৰৰ পৰিপ্ৰেক্ষিতত ৭ ডিচেম্বৰত যোগ্য কৰ্তৃপক্ষই দিয়া নিৰ্দেশৰ ভিত্তিত বিষয়াসকলে অভিযুক্তক আটক কৰে। তদন্তকাৰী সংস্থাটোৱে কয় যে এই গোচৰৰ বিভিন্ন অভিযুক্তৰ সহযোগীক তদন্ত কৰাৰ পিছত আন্তঃৰাষ্ট্ৰীয় ড্ৰাগছ নেক্সাছৰ সৈতে জড়িত ষড়যন্ত্ৰত অমৃতপালৰ ভূমিকা পোহৰলৈ আহিছে। ইয়াৰ উপৰি বেংক একাউণ্টত কৰা বহু আপত্তিজনক লেনদেনত তেওঁৰ ভূমিকাও উন্মোচিত হৈছে। এন আই এৰ তদন্তত দেখা গৈছে যে অমৃতপাল এটা বিশ্বব্যাপী ড্ৰাগছ কাৰ্টেলে ৰচনা কৰা এক বৃহৎ ষড়যন্ত্ৰত জড়িত আছিল। অভিযুক্তৰ সহযোগীসকলৰ প্ৰকাশৰ ভিত্তিত ২২ অক্টোবৰত অমৃতপালৰ আৱাসিক আৰু চৰকাৰী চৌহদত এন আই এয়ে তালাচী চলাইছিল, য’ত ড্ৰাগছৰ উপাৰ্জন হিচাপে ১,৩৪,১২,০০০ টকাৰ নগদ ধন উদ্ধাৰ কৰা হৈছিল।
#বাৰ্তা ডেস্ক