🔴মুকলিত মাংস বিক্ৰীতো নিষেধাজ্ঞা
🔴নিষেধাজ্ঞা নামানিলেই জৰিমনা
বিশেষ বাৰ্তা, ১৩ ডিচেম্বৰঃ আজি মুখ্যমন্ত্ৰী হিচাপে শপত গ্ৰহণ কৰিয়েই একচন মুড ষ্টাৰ্ট মধ্যপ্ৰদেশৰ নৱনিৰ্বাচিত মুখ্যমন্ত্ৰী মোহন যাদৱৰ। আজি মুখ্যমন্ত্ৰী মোহন যাদৱৰ কেবিনেটৰ প্ৰথমখন বৈঠকত বহু গুৰুত্বপূৰ্ণ সিদ্ধান্ত গ্ৰহণ কৰা হৈছে আৰু এই সন্দৰ্ভতো নিৰ্দেশ জাৰি কৰা হৈছে। মুখ্যমন্ত্রী মোহন যাদৱে মুখ্যমন্ত্রী মোহন যাদৱে আজি জাৰি প্রথম আদেশত ধৰ্মীয় স্থানত লাউডস্পীকাৰ নিষিদ্ধ কৰা, মুকলিত মাংস বিক্ৰী নিষিদ্ধ কৰা আৰু নিয়ম মানি নল’লে জৰিমনা বিহাকে ধৰি বহু গুৰুত্বপূৰ্ণ আদেশ জাৰি কৰিছে৷ অভ্যাসগত অপৰাধীৰ জামিন বাতিল কৰা হ’ব বুলিও কোৱা হৈছে৷ ৰাম মন্দিৰলৈ অহাসকলক আদৰণি জনাব মধ্যপ্ৰদেশ চৰকাৰে। মুখ্যমন্ত্ৰীৰ প্ৰথম আদেশৰ কথা মনত ৰাখি ধৰ্মীয় স্থান আৰু অন্যান্য স্থানত অনিয়ন্ত্ৰিত লাউডস্পীকাৰ ব্যৱহাৰ নিষিদ্ধ কৰাৰ সন্দৰ্ভত নিৰ্দেশনা জাৰি কৰা হৈছে। মুখ্যমন্ত্ৰী মোহন যাদৱৰ প্ৰথম নিৰ্দেশ হৈছে ধৰ্মীয় স্থানত লাউড স্পীকাৰ ব্যৱহাৰ কৰা নহ’ব আৰু মুকলি ঠাইত মাংস বিক্ৰীও নিষিদ্ধ কৰা হ’ব। মুখ্যমন্ত্ৰীৰ নিৰ্দেশ অনুসৰি অনিয়ন্ত্ৰিত লাউডস্পীকাৰ ব্যৱহাৰ কৰাত নিষেধাজ্ঞা আৰোপ কৰা হৈছে। নিয়মীয়া আৰু নিয়ন্ত্ৰিত (অনুমোদিত ডেচিবেল) ব্যৱহাৰত কোনো বাধা নাই। মুখ্যমন্ত্ৰী মোহন যাদৱৰ কেবিনেটৰ প্ৰথমখন বৈঠকত মুকলিকৈ মাংস আৰু কণী বিক্ৰী নিষিদ্ধ কৰাৰ সিদ্ধান্ত লোৱা হৈছে। লগতে মন্দিৰ আৰু মছজিদত লাউডস্পীকাৰ নিষিদ্ধ কৰা হ’ব। এই নিৰ্দেশ উলংঘা কৰিলে জৰিমনা বিহা হ’ব। ৰাম মন্দিৰলৈ অহাসকলক আদৰণি জনাব মধ্যপ্ৰদেশ চৰকাৰে। অভ্যাসগত অপৰাধীৰ জামিন বাতিল কৰা হ’ব। উজ্জয়ন দক্ষিণৰ বিধায়ক মোহন যাদৱে আজি ভোপালত মধ্যপ্ৰদেশৰ মুখ্যমন্ত্ৰী হিচাপে শপত গ্ৰহণ কৰে। প্ৰধানমন্ত্ৰী মোদী আৰু ৰাজ্যপাল মাংগু ভাইৰ উপস্থিতিত শপত গ্ৰহণ কৰে। ৰাজ্যপালগৰাকীয়ে উপ-মুখ্যমন্ত্ৰী হিচাপে জগদীশ দেওৰা (মলহাৰগড়ৰ পৰা বিধায়ক) আৰু ৰাজেন্দ্ৰ শুক্লা (ৰেৱাৰ পৰা বিধায়ক)ক শপত গ্ৰহণ কৰে। মুখ্যমন্ত্রী হিচাপে শপত লোৱাৰ পাছত মোহন যাদৱে কয় যে মোক মুখ্যমন্ত্রীৰ দায়িত্ব দিয়াৰ বাবে মই দলৰ হাইকমাণ্ডৰ প্রতি কৃতজ্ঞ৷ এয়াই বিজেপিৰ চৰিত্ৰ যিয়ে মোৰ দৰে ক্ষুদ্ৰ শ্ৰমিককো সুযোগ দিয়ে। এই দায়িত্ব মই এজন চাকৰৰ দৰে লৈছোঁ। মই বিক্ৰমাদিত্য নগৰৰ পৰা আহিছোঁ আৰু আমি তেওঁৰ ৰাজত্ব পুনৰুজ্জীৱিত কৰাৰ চেষ্টা কৰিম। জনসাধাৰণৰ সেৱাৰ দিশত কাম কৰিম। সকলোকে লগত লৈ সুশাসন সুনিশ্চিত কৰিম।
#বাৰ্তা ডেস্ক