বিশেষ বাৰ্তা, ৩ ডিচেম্বৰঃ ৰাজস্থান, মধ্যপ্ৰদেশ আৰু ছত্তীশগড়ৰ লগতে তেলেংগানাতো ভোটগণনা চলি আছে। ইয়াত কংগ্ৰেছে বিজয়ৰ দিশে আগবাঢ়িছে, আনহাতে ভাৰতীয় ৰাষ্ট্ৰ সমিতিয়ে যেন ক্ষমতা হেৰুৱাইছে। একে সময়তে আছাদুদ্দিন ওৱেইছিৰ নেতৃত্বত অল ইণ্ডিয়া মজলিছ-ই-ইত্তেহাদুল মুছলিমীন (AIMIM)-এ ৭খন আসন লাভ কৰিছে। এইবাৰ ওৱেইছিয়ে তেওঁৰ দলৰ ৯জন প্ৰাৰ্থীক টিকট দিছিল, য’ত আছিল এজন হিন্দু প্ৰাৰ্থী মণ্ডগিৰি স্বামী যাদৱ। চাৰ্মিনাৰ, চন্দ্ৰয়াংগুটা, ইয়াকুতপুৰা, মালাকপেট, নামপল্লী, ভদ্ৰপুৰা, জুবিলী হিলছ, ৰাজেন্দ্ৰনগৰ আৰু কাৰাভান বিধানসভাৰ আসনৰ পৰা এআইএমআইএমৰ প্ৰাৰ্থী প্ৰক্ষেপ কৰিছিল। ৰাজেন্দ্ৰনগৰৰ পৰা নিৰ্বাচনত প্ৰতিদ্বন্দ্বিতা কৰিছিল মাণ্ডাগিৰি স্বামী যাদৱে। চাৰ্মিনাৰ, ভদ্ৰপুৰা, মালাকপেট, কাৰাভান, নামপল্লী, ইয়াকুতপুৰা আৰু চন্দ্ৰযুত্তাৰ আসনসমূহ এআইএমআইএমৰ দলে দখল কৰিছে। তেলেংগানাত ওৱেইছিৰ দলৰ পৰা প্ৰতিদ্বন্দ্বিতা কৰা একমাত্ৰ হিন্দু প্ৰাৰ্থী যাদৱে পৰাজয়ৰ সন্মুখীন হৈছে। যদিও তেওঁ ২৫ হাজাৰৰো অধিক ভোট লাভ কৰিছে। তেওঁ চাৰি নম্বৰত থাকিল। এই আসনৰ পৰা বি আৰ এছৰ প্ৰাৰ্থী টি প্ৰকাশ গৌৰে ৩১ হাজাৰৰো অধিক ভোটত আগবাঢ়ি আছে। আনহাতে, ৬৮৭৯৬টা ভোট লাভ কৰি তৃতীয় স্থানত আছে বিজেপিৰ প্ৰাৰ্থী থাকলা শ্ৰীনিবাস ৰেড্ডী আৰু কংগ্ৰেছ প্ৰাৰ্থী কস্তুৰী নৰেন্দ্ৰ।
#বাৰ্তা ডেস্ক