নিয়মীয়া বাৰ্তা, ২৩ ছেপ্টেম্বৰঃ দেশৰ এক আগশাৰীৰ বিত্তীয় প্রতিষ্ঠান বেংক অৱ ইণ্ডিয়াত খালী হৈছে বিষয়াৰ ২১৪ পদ৷ অর্হতাসম্পন্ন প্রার্থীৰ পৰা আবেদন আহ্বান কৰি বিত্তীয় প্রতিষ্ঠানটোৰ মুম্বাইস্থিত মানৱ সম্পদ বিভাগৰ বিষয়াই এক নিয়োগ বিজ্ঞাপন প্রকাশ কৰিছে৷ প্রকাশিত বিজ্ঞাপনৰ তথ্য অনুসৰি, খালী পদসমূহৰ ভিতৰত আছে– ইক’ন’মিষ্ট (৪), ষ্টেটিছটিচিয়ান (২), ৰিস্ক মেনেজাৰ (৯), ক্রেডিট এনালিষ্ট (১৩৯), আই টি–ফিনটেক্/ডাটা ছাইনটিষ্ট/ ডাটা এনালিষ্ট, ইনফৰমেচন ছিকিউৰিটী (৫০) আৰু টেক্নিকেল এপ্রাইজেল (১০)৷
উল্লিখিত পদসমূহ জুনিয়ৰ মেনেজমেণ্ট গ্রেড স্কেল–১, মিডিল মেনেজমেণ্ট গ্রেড স্কেল–২, মিডিল মেনেজমেণ্ট গ্রেড স্কেল–৩ আৰু ছিনিয়ৰ মেনেজমেণ্ট গ্রেড স্কেল–৪৷ জুনিয়ৰ মেনেজমেণ্ট গ্রেড স্কেল–১ৰ প্রার্থীৰ দৰমহাৰ নিৰিখ ২৩,৭০০–৯৮০/৭/৩০,৫৬০–১১৪৫/২–৩২,৮৫০–১৩১০/৭–৪২,০২০ টকা৷
মিডিল মেনেজমেণ্ট গ্রেড স্কেল–২ৰ প্রার্থীৰ দৰমহাৰ নিৰিখ ৩১,৭০৫–১১৪৫/১–৩২,৮৫০–১৩১০/১০–৪৫৯৫০ টকা৷ মিডিল মেনেজমেণ্ট গ্রেড স্কেল–৩ৰ প্রার্থীৰ দৰমহাৰ নিৰিখ ৪২,০২০–১৩১০/৫–৪৮,৫৭০–১৪৬০/২–৫১,৪৯০ টকা আৰু ছিনিয়ৰ মেনেজমেণ্ট গ্রেড স্কেল–৪ৰ প্রার্থীৰ দৰমহাৰ নিৰিখ ৫০০৩০–১৪৬০/৪–৫৫,৮৭০–১৬৫০/২–৫৯১৭০ টকা৷
আবেদনকাৰী স্নাতক ডিগ্রীধাৰী হোৱাটো বাধ্যতামূলক৷ বয়স ১ ছেপ্ঢেম্বৰ, ২০২০লৈ ২০–৩০ বছৰ৷ অৱশ্যে বয়সৰ ঊর্ধ্বসীমা সংৰক্ষিত শ্রেণীৰ প্রার্থীয়ে চৰকাৰী বিধিগত ৰেহাই লাভ কৰিব৷ আবেদন মাচুল হিচাপে এছ চি, এছ টি আৰু দিব্যাংগ শ্রেণীৰ প্রার্থীয়ে ১৭৫ টকা আৰু সাধাৰণ শ্রেণীৰ প্রার্থীয়ে ৮৫০ টকা বেংক অৱ ইণ্ডিয়াৰ হকে অনলাইন মাধ্যমেৰে পৰিশোধ কৰিব লাগিব৷
আগ্রহীসকলে বিজ্ঞাপন বিষয়ক বিশদ বিৱৰণৰ লগতে পদৰ বাবে থাকিবলগীয়া অন্যান্য চর্তাৱলী আৰু অনলাইনযোগে আবেদন দাখিল কৰিবলৈ ৱেবছাইটwww.bankofindia.co.in ভিজিট কৰিব পাৰে৷ অনলাইনযোগে আবেদন দাখিলৰ অন্তিম তাৰিখ ৩০ ছেপ্ঢেম্বৰ, ২০২০৷