নিয়মীয়া বাৰ্তা,১৩ এপ্ৰিল: নগৰবেৰাৰ টুপামাৰী আৰক্ষী চকীৰ অন্তৰ্গত টুপামাৰী বজাৰত চিচি ফুটেজৰ ভিত্তিত ধৰা পৰিল চাইকেল চোৰ ,চাইকেল চোৰ ধৰাক কেন্দ্ৰ কৰি তীব্ৰ চাঞ্চল্য বিয়পে অঞ্চলটোত। স্মৰ্তৱ্য যে দীৰ্ঘদিনৰে পৰা এটা চাইকেল চুৰি চক্ৰই টুপামাৰীৰ বজাৰ এলেকাত সন্ত্ৰাস বিয়পাই থকাৰ মাজতেই বজাৰখনৰ পৰা যোৱা ২৭ মাৰ্চত চাইকেল চুৰি কৰি আজি বৃহস্পতিবাৰৰ দুপৰীয়া ধৰা পৰিল আসান আলী নামৰ চোৰজন।দোকান এখনৰ চিচি ফুটেজৰ ভিত্তিত ৰাইজে চোৰজনক ধৰি গটাই দিয়ে টুপামাৰী আৰক্ষী চকীত। জানিব পৰা মতে আসান আলী নামৰ চোৰজন অঞ্চলটোৰ চাইকেল চুৰি চক্ৰৰ মাষ্টাৰ মাইণ্ড হেনো !আসান আলীয়ে দীৰ্ঘদিনৰে পৰা অঞ্চলবাসী ৰাইজৰ নিদ্ৰা হৰণ কৰিছিল নিজৰ সিদ্ধহস্ত চুৰিবিদ্যাৰ চমকেৰে।
অৱশেষত আজি চোৰজনক ৰাইজে ধৰি গটাই দিয়ে টুপামাৰী আৰক্ষীক ,চাইকেল চোৰ ধৰাৰ খৱৰে চাঞ্চল্য বিয়পায় অঞ্চলজুৰি আৰু চোৰজনক ওচৰৰ পৰা চাবলৈ ভিৰ কৰে স্থানীয় বহু লোকে।
প্ৰেৰক-সঞ্জীৱ কুমাৰ দাস