ডঃ ভূপেন হাজৰিকা আঞ্চলিক চৰকাৰী চলচ্চিত্ৰ আৰু টেলিভিছন প্ৰতিষ্ঠানত ‘নীলপৱন বৰুৱাক বিচাৰি’ৰ প্ৰদৰ্শন

তাৰ পিছতে “নীলপৱন বৰুৱাক বিচাৰি” তথ্যচিত্ৰ খন প্ৰদৰ্শন কৰে। আধুনিক অসমৰ চিত্ৰকলাৰ অন্যতম বাটকটীয়া চিত্ৰশিল্পী নীলপৱন বৰুৱাৰ জীৱনৰ কিছু খণ্ডচিত্ৰৰ সমাহাৰ ‘ নীলপৱন বৰুৱাক বিচাৰি’ তথ্য চিত্ৰখনৰ মূল উপজীব্য। এই তথ্য চিত্ৰ খনৰ বিষয় বস্তুৰ নিৰ্বাচন, পৰিকল্পনা আৰু পৰিচালনা কেশৰজ্যেতি দাসৰ। আনহাতে তথ্য চিত্ৰ খনৰ শৈল্পীক পৰামৰ্শ দাতা হিচাপে আছিল শিক্ষানুষ্ঠানৰ সঞ্জীৱ পৰাশৰ। নীলপৱন বৰুৱাক বিচাৰি তথ্য চিত্ৰখনৰ নিৰ্মাণৰ সময়ত বিভিন্ন জনৰ পৰামৰ্শ, নীলপৱন বৰুৱাৰ সান্নিধ্য লাভ কৰা ব্যাক্তি তথা পৰিচৰ্জা কৰা সকলক পৰিচালক কেশৰজ্যেতি দাসে শলাগ লয়। ‘দূৰ’ আৰু ‘নীলপৱন বৰুৱাক বিচাৰি’ প্ৰদৰ্শনৰ অন্ততঃ শিক্ষানুষ্ঠান খনৰ অধ্যক্ষ তথা সাংস্কৃতিক পৰিক্ৰমা বিভাগৰ অধ্যক্ষ ডঃ দেৱজিৎ খনিকৰৰে ছাত্ৰ ছাত্ৰী সকলৰ কৰ্মপটুতাক শলাগ লোৱাৰ লগতে নীলপৱন বৰুৱাক পদ্মশ্ৰী বঁটা প্ৰদান কৰিবলৈ ভাৰত চৰকাৰৰ ওচৰত দাবী জনাব বুলি উল্লেখ কৰে। অনুষ্ঠানত ফিল্ম আৰু ভিডিঅ’ সম্পাদনা বিভাগৰ মুৰব্বী অধ্যাপক তথা আঁচনি প্ৰবন্ধক হিৰন্য কলিতা, অডিঅ’গ্ৰাফী আৰু শব্দৰ অভিযন্তা বিভাগৰ মুৰব্বী অধ্যাপক ফাৰুক ইকবাল, মোচন ফটোগ্ৰাফী বিভাগৰ মুৰব্বী অধ্যাপক কিশোৰ শৰ্মা আৰু নডেল বিষয়া ডঃ বিনয় কৃষ্ণ শৰ্মাৰ উপৰিও বিশিষ্ট অতিথি হিচাপে উপস্থিত থকা অৱসৰী শিক্ষক ধীৰেন শৰ্মা আৰু প্ৰভাত শৰ্মাই ছাত্র ছাত্ৰীৰ বিভিন্ন বিভাগত কৰ্মপটুতা দেখুৱাবলৈ সক্ষম হোৱাত ধন্যবাদ তথা শুভেচ্ছা জ্ঞাপন কৰে। আনহাতে  “দূৰ” আৰু

“নীলপৱন বৰুৱাক বিচাৰি” টেলিফিল্ম আৰু তথ্যচিত্ৰ খন ৰাজ্যৰ বিভিন্ন প্ৰান্তত প্ৰদৰ্শনৰ ব্যাৱস্হা গ্ৰহণ কৰিব বুলি  অভিনয় শিক্ষা প্ৰতিষ্ঠান খনৰ মুৰব্বী অধ্যাপক তথা বিশিষ্ট অভিনেতা ডঃ অনুপ হাজৰিকাই জানিব দিয়ে।