নিয়মীয়া বাৰ্তা, ৩ ফেব্ৰুৱাৰীঃ দেওবাৰে দুলীয়াজানৰ টেঙাখাটত এক ভয়ংকৰ অগ্নিকাণ্ডৰ ঘটনা সংঘটিত হয় । হঠাতে বুঢ়িদিহিং নদীপৃষ্ঠত জ্বলি উঠে জুই ।
উল্লেখ্য যে এসপ্তাহৰে পৰা তেল-গেছ পৰিবাহী পাইপ ফুটি অহৰহভাৱে তেল বৈ আছিল নদীখনৰ বুকুলৈ । কিন্তু দেওবাৰে নদীৰ পানীত কেনেদৰে অগ্নিকাণ্ডৰ সূত্ৰপাত ঘটে এই পৰ্যন্ত কোনো তথ্য লাভ কৰা নাই আৰক্ষীয়ে ।
অৱশ্যে পাছত অগ্নিনিৰ্বাপক বাহিনীয়ে ঘটনাস্থলীত উপস্থিত হৈ নিৰ্বাপন কৰে জুই ।
ইপিনে এই জুইৰ বাবে এতিয়া নদীখনৰ মাছ-কাছৰ জীৱনলৈও আহি পৰিছে সংকট । লগতে জুইৰ ক’লা ধোৱাই চৌপাশ চানি ধৰাৰ ফলত নদীৰ কাষৰীয়া লোকসকলো এতিয়া আতংকিত হৈ পৰিছে ।