নিয়মীয়া বাৰ্তা, ২৮ জুন: ধুবুৰী চহৰৰ পাৰ্শ্বৱৰ্তী শিঙিমাৰী প্ৰথম খণ্ড অঞ্চলৰ পৰা আৰক্ষীয়ে ব্ৰাউন চুগাৰ থকা বুলি সন্দেহ কৰা কেইবাটাও সৰু প্লাষ্টিকৰ টেমাসহ এজন দাগী ড্ৰাগচ সৰবৰাহকাৰীক কৰায়ত্ব কৰা বুলি জানিব পৰা গৈছে। জানিব পৰা মতে, গোপন এক তথ্যৰ ভিত্তিত যোৱাকালি ধুবুৰীৰ ধৰ্মশালা আৰক্ষী চকীৰ ভাৰপ্ৰাপ্ত বিষয়া পুৰুষোত্তম সিংৰ নেতৃত্বত অঞ্চলটোৰ শিঙিমাৰী প্ৰথম খণ্ড অঞ্চলত এক অভিযান চলাইছিল। উক্ত অভিযানত আৰক্ষীয়ে ব্ৰাউন চুগাৰ থকা বুলি সন্দেহ কৰা আঠটাকৈ সৰু প্লাষ্টিকৰ টেমাসহ বজৰুল হ’ক নামৰ এজন দাগী ড্ৰাগচ সৰবৰাহকাৰীক কৰায়ত্ব কৰে। জানিব পৰা মতে, ধৃত সেই ড্ৰাগচ সৰবৰাহকাৰীজনৰ বিৰূদ্ধে পূৰ্বেও দুটাকৈ গোচৰ ৰুজু আছে।