নিয়মীয়া বাৰ্তা, ১৯ এপ্ৰিলঃ নগাঁৱৰ আৰক্ষীয়ে ড্ৰাগছৰ বিৰুদ্ধে নিৰন্তৰ অভিযান অব্যাহত ৰাখিছে।এই অভিযানৰ অংশ হিচাপে যোৱা নিশা অভিযান চলাই নগাঁৱৰ আৰক্ষীয়ে এগৰাকী মহিলা সহ তিনি জন ড্ৰাগছ সৰবৰাহকাৰীক গ্ৰেপ্তাৰ কৰিবলৈ সক্ষম হয়। এক গোপন সুত্ৰৰ পম খেদি নগাঁৱৰ হয়বৰ গাওঁ আৰক্ষী চকীৰ ভাৰপ্ৰাপ্ত বিষয়া তৰংগ পাটোৱাৰীৰ নেতৃত্বত যোৱা আৰক্ষীৰ দলে যোৱা নিশা নগাঁও চহৰৰ চকীটুপ ফাচীৰোডত অভিযান চলাই হিৰ’ইন সহ দুজন ড্ৰাগছ সৰবৰাহকাৰীক গ্ৰেপ্তাৰ কৰে।আৰক্ষীয়ে গ্ৰেপ্তাৰ কৰা ড্ৰাগছ সৰবৰাহকাৰী দুজন হ’ল- জয়নাল উদ্দিন(৩২),ৰশ্বিদা খাতুন (৩০)। এই দুই গৰাকী পতি-পত্নীয়ে দীৰ্ঘদিন ধৰি অঞ্চলটোত ড্ৰাগছৃৰ ৰমৰমীয়া ব্যৱসায় চলাই আহিছিল।আৰক্ষীয়ে তেওঁলোকৰ পৰা ৪০টা হিৰ’ইন ভৰ্তি কণ্টেনাৰ, বুজন পৰিমাণৰ নিচাযুক্ত ঔষধ আৰু নগদ ৬০৪০টকা জব্দ কৰিবলৈ সক্ষম হয়। ইপিনে নগাঁও নগৰ আৰক্ষীৰ ভাৰপ্ৰাপ্ত বিষয়া অচ্যুত কৃষ্ণ ফুকনৰ নেতৃত্বত যোৱা আৰক্ষীৰ দলে যোৱা নিশা ছোটৰূপহীত অভিযান চলাই এজন ড্ৰাগছ সৰবৰাহকাৰীক গ্ৰেপ্তাৰ কৰিবলৈ সক্ষম হয়।আৰক্ষীয়ে গ্ৰেপ্তাৰ কৰা ড্ৰাগছ সৰবৰাহকাৰী জন হ’ল- জা