নিয়মীয়া বাৰ্তা, ২৩ মে’: দেৱ প্রডাকচনৰ বেনাৰত নির্মিত ‘দ্য ৰং ৰোড… ড্রুথ অফ লাইফ’ নামৰ চুটিছবিখনে ২ মে’ত কলকাতাৰ শৰত সদনত অনুষ্ঠিত হোৱা দ্বিতীয় গ্রেট ইণ্ডিয়া ফিল্ম ফেষ্টিভেলত জুৰীৰ বিশেষ বঁটা আৰু বেষ্ট এক্সপেৰিমেণ্টেল ফিল্ম শিতানত বঁটা লাভ কৰে৷ মুম্বাই আন্তঃৰাষ্ট্রীয় ছবি মহোৎসৱৰ ‘অফিচিয়েল ছিলেকচন’ত থকা চুটিছবিখনে পঞ্চম ইণ্ডিয়ান ফিল্ম মেকার্ছ ফেষ্টিভেল আৰু ইণ্ডি চিনে ফিল্ম ফেষ্টিভেলত ক্রমে শ্রেষ্ঠ চিত্রনাট্য, শ্রেষ্ঠ কাহিনী, শ্রেষ্ঠ চুটিছবিৰ বঁটা লাভ কৰে৷ ছবিখনৰ কাহিনী, চিত্রনাট্য আৰু পৰিচালনা নয়নী বৰগোহঁাইৰ৷ অভিনয়ত আছে পার্থ প্রতিম বৰুৱা৷ প্রযোজনা কাজল দেৱ, ৰাজ কুমাৰ আর্য আৰু দেৱ প্রডাকচনৰ হৈ ৰাজ খাওন্দ৷