নিয়মীয়া বাৰ্তা, ২৪ জুনঃ যোৰহাট জিলাৰ অন্যতম অগ্ৰণী উচ্চ শিক্ষাৰ অনুষ্ঠান চিনামৰা মহাবিদ্যালয়ে ১৪ টাকৈ নতুন বৃত্তিমুখী পাঠ্যক্ৰম মুকলি কৰিছে। ডিব্ৰুগড় বিশ্ববিদ্যালয়ৰ অনুমোদিত এই পাঠ্যক্ৰমসমূহ চলিত বৰ্ষৰ পৰাই আৰম্ভ হ’ব । মহাবিদ্যালয়খনৰ কেবাটাও বিভাগ আৰু সংযুক্ত অনুষ্ঠানসমূহৰ অধীনত এই পাঠ্যক্ৰমসমূহ অন্তৰ্ভুক্ত হ’ব বুলি অধ্যক্ষ ড° অঞ্জন শইকীয়াই জানিবলৈ দিছে ।
সেই অনুসৰি ইংৰাজী বিভাগৰ তত্বাৱধানত স্প’কেন ইংলিছ ( ৬ মাহ ) আৰু ফাংছনেল ইংলিছ ( ৬ মাহ ), ভূগোল বিভাগৰ তত্বাৱধানত ক) ডিজেষ্টাৰ মেনেজমেন্ট, খ) চইল টেষ্টিং, গ) ৱাটাৰ টেষ্টিং ( ৬ মাহ ), ৰাজনীতি বিজ্ঞান বিভাগৰ তত্বাৱধানত হিউমেন ৰাইটছ ( ৬ মাহ ), অৰ্থনীতি বিজ্ঞান বিভাগৰ তত্বাৱধানত চাৰ্টিফিকেট ক’ৰ্ছ ইন মাছৰুম কালচাৰ (৬ মাহ ), মহাবিদ্যালয়ৰ কেৰিয়াৰ কাউন্সেলিং কোষৰ তত্বাৱধানত চাৰ্টিফিকেট ক’ৰ্ছ ইন টেলী ( ৩ মাহ ), চাৰ্টিফিকেট ক’ৰ্ছ ইন বেচিক কম্পিউটাৰ ক’ৰ্ছ ( ৬ মাহ ), এন এছ এছ গোটৰ তত্বাৱধানত যোগ ( ৬ মাহ ), মহিলা কোষৰ তত্বাৱধানত আৰ্ট এণ্ড ক্ৰাফট (৬ মাহ ), বিউটিচিয়ান ( ৩ মাহ ), কাটিং- ষ্টিচিং এণ্ড ড্ৰেছ মেকিং ( ৬ মাহ ) আৰু উইভিং (৬ মাহ ) আই কিউ এ চি-ৰ তত্ত্বাৱধানত কাৰাটে ( ৬ মাহ আৰু এবছৰ ), আৰু যোৰহাটৰ সত্ৰীয়া সংগীত মহাবিদ্যালয়ৰ সহযোগত অসমীয়া বিভাগৰ তত্বাৱধানত পাৰফ’ৰ্মিং আৰ্ট ( এবছৰীয়া ) বিষয়ৰ পাঠ্যক্ৰম মুকলি কৰা হৈছে । ডিব্ৰুগড় বিশ্ববিদ্যালয়ৰ যুটীয়া পঞ্জীয়ক ড° বি চি বৰাই এক জাননীযোগে এই কথা জনাইছে । মহাবিদ্যালয়খনলৈ একেলগে চৌধ্যটাকৈ নতুন বিষয়ৰ পাঠ্যক্ৰম মুকলি কৰা কাৰ্য্যত অঞ্চলটোৰ বিদ্যানুৰাগী ৰাইজে সন্তুষ্টি প্ৰকাশ কৰিছে ।