নিয়মীয়া বাৰ্তা, ২০ আগষ্ট : বৰপেটা জিলাৰ বাঘবৰ থানাৰ অধীনস্থ সত্ৰকনৰা ৬নং চিটৰ নিবাসী জাহিদুল ইছলামৰ ১৫ বছৰীয়া পুত্ৰ সন্তান ৰবুল ইছলাম ১২ জুলাইৰ পৰা নিৰুদ্দেশ হৈ আছে। উল্লেখযোগ্য যে ১২ জুলাইৰ বিয়লি ৩ বজাত ঘৰৰ ওলাই গৈছিল ৰবুল। অৱশ্যে তাৰ পিছৰে পৰাই নিৰুদ্দিষ্ট হৈ আজিলৈকে ঘৰলৈ উভতি নাহিল কিশোৰজন। ইতিমধ্যে পৰিয়ালৰ লোকে বিভিন্ন ঠাইত কিশোৰগৰাকীৰ বিচাৰ-খোঁচাৰ কৰি আছে যদিও অদ্যাপি সম্ভেদ পোৱা নাই ৰবুল ইছলামৰ। ৰবুলৰ নিৰুদ্দেশ সন্দৰ্ভত অৱশ্যে আৰক্ষীক অৱগত কৰিছে পৰিয়ালৰ লোকে যদিও নৱম শ্ৰেণীৰ কিশোৰ ছাত্ৰজনৰ আজিলৈকে কোনো শুংসূত্ৰ নোলোৱাত পৰিয়ালৰ লোক মানসিকভাৱে ভাগি পৰিছে। সেয়ে ভুক্তভোগী ৰবুলৰ মাতৃয়ে সংবাদ মাধ্যমৰ আগত কান্দি কান্দি নিজ পুত্ৰৰ সন্ধান বিচাৰিছে। যদি কোনো সু-হৃদ ব্যক্তিয়ে কিশোৰজনৰ সন্ধান লাভ কৰে তেন্তে পৰিয়ালৰ লোকৰ তলত দিয়া 8099025774 আৰু 6000826240 ফোন নম্বৰত যোগাযোগ কৰিবলৈ আহ্বান জনাইছে ভুক্তভোগী পৰিয়ালটিয়ে।
প্ৰেৰক আব্দুল আজিজ আহমেদ