নিয়মীয়া বাৰ্তা, ১২ অক্টোবৰঃ ভৱানীপুৰ সমষ্টিৰ বিজেপি প্ৰাৰ্থী ফণীধৰ তালুকদাৰক আদৰণি জনোৱাৰ উদ্দেশ্যে মংগলবাৰে বাক্সাৰ শালবাৰীত এখন আদৰণি ও ৰাজহুৱা সভা অনুষ্ঠিত কৰা হয় । ইউ পি পি এলৰ শালবাৰী জিলা সমিতিৰ উদ্যোগত অনুষ্ঠিত সভাত বিজেপি – অগপ- ইউ পি পি এল দলৰ কেইবাগৰাকী নেতাৰ লগতে ইউ পি পি এলৰ কাৰ্যকাৰী সভাপতি ৰৌনগৌৰা নাৰ্জাৰী উপস্থিত থাকি উপ নিৰ্বচনত পাঁছটা সমষ্টিৰ পাঁছটায়ে মিত্ৰজোঁটে দখল কৰিব বুলি মন্তব্য প্ৰদাণ কৰে ।
ৰৌনগৌৰা নাৰ্জাৰীয়ে লগতে পৰিৱৰ্তনৰ স্বাৰ্থত ভৱানীপুৰ সমষ্টিৰ ৰাইজে ফণীধৰ তালুকদাৰক বিপুল ভোটত জয়ী কৰাব বুলিও মন্তব্য প্ৰদাণ কৰে । সভাত বিজেপিৰ ৰাজ্যিক কাৰ্যনিৰ্বাহক ৰাতুল শৰ্মাই এ আই ইউ ডি এফ দলে উন্নয়নৰ পৰিবৰ্তে বিভেদ সৃষ্টি কৰাৰ কাৰনে ৰাজনীতি কৰে বুলি ভাষণ প্ৰদাণ কৰাৰ লগতে সংখ্যালঘু ৰাইজ বিজেপি , ইউ পি পি এলৰ লগতো আছে । সংখ্যালঘু ৰাইজে সাম্প্ৰদায়িক ৰাজনীতি নকৰে বুলিও ভাষনত উল্লেখ কৰে ৰাতুল শৰ্মাই । সভাত লগতে উপস্থিত থাকি ভাষণ ৰাখে এম চি এল এ দিলীপ বড়ো, ইউ পি পি এলৰ মহিলা কোষৰ সম্পাদীকা বিনা গয়াৰীয়ে ।