নিয়মীয়া বাৰ্তা, ১৭ ছেপ্টেম্বৰঃ বঙাইগাঁও জিলাৰ যোগীঘোপা থানাৰ অন্তর্গত চলন্তাপাৰা চতুর্থ খণ্ড গাঁৱত এজন বৃদ্ধই শিশুক ধর্ষণ কৰা ঘটনাই অঞ্চলটোত তীব্র চাঞ্চল্যৰ সৃষ্টি কৰিছে৷
ঘটনাৰ লগত জডিত বৃদ্ধজনক ইতিমধ্যে যোগীঘোপা আৰক্ষীয়ে গ্রেপ্তাৰ কৰিবলৈ সক্ষম হৈছে৷ আৰক্ষীয়ে গ্রেপ্তাৰ কৰা বৃদ্ধজন হ’ল চলন্তাপাৰা চতুর্থ খণ্ড গাঁৱৰ ছমেৰ আলী (৫৮)৷
চলন্তাপাৰা চতুর্থ খণ্ড গাঁৱৰ ছমেৰ আলীয়ে যোৱা পৰহি দুপৰীয়া ১২ বজাত একে গাঁৱৰে এটি শিশুক ফুচুলাই নিজ ঘৰলৈ নি ধর্ষণ কৰে৷ ঘটনা সন্দর্ভত শিশুটিৰ পৰিয়ালে যোগীঘোপা থানাত
এখন এজাহাৰ দাখিল কৰে৷
যোগীঘোপা আৰক্ষীয়ে এজাহাৰৰ ভিত্তিত ৩০৬/২০ নম্বৰৰ এটা গোচৰৰ পঞ্জীয়ন কৰি ছমেৰ আলীক গ্রেপ্তাৰ কৰে৷ ঘটনা সন্দর্ভত আৰক্ষীয়ে তদন্ত অব্যাহত ৰাখিছে৷