নিয়মীয়া বাৰ্তা, ১১ জানুৱাৰীঃ অসমৰ অটোম’বাইল নির্মাতা কুমাৰ ইঞ্জিনীয়াৰিঙে মুকলি কৰিলে স্থানীয়ভাৱে নির্মাণ কৰা কৰা ই–ৰিক্সা ‘কুমাৰ ৮৮৮ই’৷ উত্তৰ–পূর্বাঞ্চলৰ ইতিহাসত অসমত স্থানীয় নির্মাতাই ই–ৰিক্সা মুকলি কৰা এয়াই প্রথম৷ ই–ৰিক্সাখন আনুষ্ঠানিকভাৱে মুকলি কৰে অসম আৰক্ষীৰ যুটীয়া আয়ুক্ত প্রার্থসাৰথি মহন্তই৷ এই মুকলি অনুষ্ঠানত লগতে উপস্থিত থাকে প্রতিষ্ঠানটোৰ অধ্যক্ষ কুমাৰ গৌৰৱ৷
চৰকাৰে বৈদ্যুতিক বাহনৰ প্রসাৰৰ ওপৰত গুৰুত্ব আৰোপ কৰি থকাৰ সময়তে অসমৰ বজাৰত এই ই–ৰিক্সাখনে গ্রাহকৰ পৰা যথেষ্ট সঁহাৰি লাভ কৰিব বুলি আশাবাদী কুমাৰ ইঞ্জিনীয়াৰিং প্রতিষ্ঠানটো৷