নিয়মীয়া বাৰ্তা, ৩০ নৱেম্বৰঃ বৰপেটাৰ চেঙা সমষ্টিৰ কাছুমাৰা আৰক্ষী থানাৰ অন্তৰ্গত খোলাবান্ধাৰ কেতেকীচৰত বনৰীয়া হাতীৰ মুক্ত বিচৰণত ৰাইজ শংকিত হৈ পৰিছে। অঞ্চলটোত পুৱাৰ ভাগতে আকস্মিকভাবে দুই গজৰাজৰ বিচৰণ প্ৰত্যক্ষ কৰি ৰাইজ ভয়ত বিতত হয় আৰু অঞ্চলজুৰি চাঞ্চল্য বিয়পে। স্থানীয় কাছুমাৰা আৰক্ষী আৰু ৰাইজৰ সহযোগত নগৰবেৰা নদী সংৰক্ষিত বনাঞ্চলিক কাৰ্যালয়ৰ দল এটাই হাতী দুটাক স্থানান্তৰ কৰাৰ প্ৰচেষ্টা চলায় যদিও ব্যৰ্থ হয় ।
আনহাতে হাতীৰ আক্ৰমনত অঞ্চলটোৰ নিৰলা চৰৰ জয়দুৰ নামৰ এজনৰ পুত্ৰ আমিনুল ইছলাম নামৰ যুৱকজন অতি গুৰুতৰভাৱে আহত হোৱাত সংকটজনক অৱস্থাত যুৱকজনক বৰপেটা ফকৰুদ্দিন আলী আহমেদ চিকিৎসা মহাবিদ্যালয়লৈ প্ৰেৰণ কৰা হয়।
প্ৰেৰকঃ সঞ্জীৱ কুমাৰৰ দাস