নিয়মীয়া বাৰ্তা, ২০ এপ্ৰিল : শোণিতপুৰৰ ৰঙাপৰা সমষ্টিৰ অন্তৰ্গত চিলনী গাঁও পঞ্চায়তৰ বালিগাঁৱত আজি এটা পকীপথ শুভ উদ্বোধন কৰে ৰঙাপৰাৰ বিধায়ক কৃষ্ণ কমল তাঁতীয়ে। আজি বিয়লি বিধায়কগৰাকীয়ে মুখ্যমন্ত্ৰীৰ পকীপত নিৰ্মাণ আঁচনিৰ অধীনত বালিগাঁৱৰপৰা চি টি চি আৰ্মী কেম্প সংযোগী পথৰ আধাৰশিলা স্থাপন কৰে। চিলনী গাঁও পঞ্চায়তৰ সভাপতি দেনেশ্বৰ পাৱে আঁত ধৰা অনুষ্ঠানটোত বালিপৰা ব্লক মণ্ডল বিজেপিৰ সভাপতি ধ্ৰুৱ জ্যোতি গগৈ, জীয়াভৰলী মিচিং মহিলা সমাজৰ সভানেত্ৰী গুণেশ্বৰী মিলি, যুৱ নেতা দীনেশ মিলি, বিৰুচন মিলি, নিৰ্মল ঙাটেৰ লগতে ভালেমান দলীয় কাৰ্যকৰ্তা ,ৰাইজ উপস্থিত থাকে ।
প্ৰেৰক প্ৰাঞ্জল বৰা