নিয়মীয়া বাৰ্তা, ১৫ আগষ্ট: ক’ৰোনা ভাইৰাছৰ সংক্ৰমণৰ মাজতো দেশে পালন কৰিলে ৭৪ সংখ্যক স্বাধীনতা দিৱস ৷ ৰাজ্যৰ অন্য প্ৰান্তৰ দৰে জোনাইতো ৭৪ স্বাধীনতা দিৱসটি কেন্দ্ৰীয়ভাৱে উলহ-মালহেৰে পালন কৰা হয়৷ জোনাইত পুৱা ৭.৩০ বজাত মহকুমাটোৰ চৰকাৰী বেচৰকাৰী কাৰ্যালয়, শিক্ষানুষ্ঠান, ব্যৱসায় প্ৰতিষ্ঠান আৰু অন্যান্য ৰাজহুৱা স্থানত জাতীয় পতাকা উত্তোলন কৰা হয়৷ জোনাই গান্ধী ময়দান খেলপথাৰত কেন্দ্ৰীয়ভাৱে আয়োজন কৰা স্বাধীনতা দিৱসৰ পতাকা উত্তোলন কৰে জোনাই মহকুমাৰ অতিৰিক্ত উপায়ুক্ত ভাৰপ্ৰাপ্ত মহকুমাধিপতি পাৰ্থপ্ৰতিম বৈৰাগীয়ে৷ ইফালে ক’ৰোনাৰ ত্ৰাসৰ বাবে মহকুমাৰ বিভিন্ন বিদ্যালয়ৰ ছাত্ৰ-ছাত্ৰীয়ে এই অনুষ্ঠানত অংশগ্ৰহণৰ পৰিৱৰ্তে আৰক্ষীৰ জোৱানসকলে অংশগ্ৰহণ কৰে পেৰেডত৷