নিয়মীয়া বাৰ্তা, ১৭ মাৰ্চঃ কামৰূপৰ নগৰবেৰাৰ টুপামাৰী আৰক্ষী চকীৰ এলেকাধীন বদলাপথাৰৰ ৰাজপথত আজি আবেলি পৰত এক ভয়ংকৰ পথ দুৰ্ঘটনা সংঘটিত হয় ৷জানিব পৰা মতে টুপামাৰীৰ পৰা সোণতলী অভিমুখে গৈ থকা ট্ৰাক এখন আৰু বদলা পথাৰৰ পৰা নগৰবেৰা অভিমুখে গৈ থকা পালচাৰ বাইক এখনৰ মাজত মুখামুখি খুন্দা লগাই বাইক চালক-আৰোহী দুয়ো বহুদূৰ চিটিকি যায় আৰু গুৰুতৰভাৱে আহত হয়। ট্ৰাকখনৰ নম্বৰ এ এছ ২৫ এ চি ১৯০৮ আৰু পালচাৰ বাইক খনৰ নম্বৰ এ এছ ১৮ এইছ ২৯৮০। আহত লোক দুজন ক্ৰমে-গোৱালপাৰাৰ জয়নাল আবেদিন আৰু আবু শ্বামা ,দুয়োকে স্থানীয় একাংশৰ তৎপৰতাত চিকিৎসাৰ বাবে নিয়া হয় আনহাতে দুৰ্ঘটনাস্থলীত খৱৰ পাই উপস্থিতি হোৱা টুপামাৰী আৰক্ষী চকীৰ এটা দলে দুৰ্ঘটনাত পতিত দুয়োখন বাহনেই আৰক্ষী চকীলৈ নিয়াৰ দিহা কৰে। দুৰ্ঘটনাটোক কেন্দ্ৰ কৰি চাঞ্চল্য বিয়পে অঞ্যলজুৰি |
প্ৰেৰক-সঞ্জীৱ কুমাৰ দাস