বিশেষ বাৰ্তা, ২১ ফেব্ৰুৱাৰীঃ ৰাজ্যৰ নতুন ৰাজ্যপাল হিচাপে কাইলৈ শপত লব গুলাব চান্দ কাটাৰিয়াই। আজি সপৰিয়ালে গুৱাহাটীত উপস্থিত হোৱাৰ সময়ত গুলাব চান্দ কাটাৰিয়াক লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰত আদৰণি জনায় ৰাজ্য় চৰকাৰৰ মন্ত্ৰীসকলে। উক্ত আদৰণী অনুষ্ঠানত অসম গণ পৰিষদৰ সভাপতি তথা কৃষিমন্ত্ৰী অতুল বৰাই উষ্ম সম্ভাষণ জনায়। বিমানকোঠত গ্ৰামোন্নয়ন মন্ত্ৰী ৰণজিৎ কুমাৰ দাসকে ধৰি মন্ত্ৰী চন্দ্ৰমোহন পাটোৱাৰী, ঊৰ্খাও গৌৰা ব্ৰহ্ম, বিমল বড়া, বিজেপিৰ ৰাজ্যিক সভাপতি ভৱেশ কলিতা, গুৱাহাটী পৌৰ নিগমৰ মেয়ৰ মৃগেন শৰণীয়া প্ৰমুখ্যে ৰাজ্য চৰকাৰৰ মুখ্য সচিব, জ্যেষ্ঠ বিষয়াসকল, সামৰিক-অৰ্ধ সামৰিক বাহিনীৰ জ্যেষ্ঠ বিষয়াসকল আৰু বিশিষ্ট ব্যক্তিসকল উপস্থিত থাকে।