নগাঁও জিলাত অভাৱনীয় ভাৱে হ্ৰাস পাইছে কৃষিভূমি; চিমেণ্ট কাৰখানা, ইটাভাটাৰ দখলত শ শ বিঘা কৃষিভূমি
- কৃষি এৰি পথাৰত পুখুৰী খন্দাই মাছৰ খেতি কৰিছে শ শ কৃষকে
নিয়মীয়া বাৰ্তা, ২০জানুৱাৰী: কৃষিপ্ৰধান জিলা নগাঁৱত অতি উদ্বেগজনক ভাৱে হ্ৰাস পাইছে কৃষিভূমি আৰু কৃষকৰ সংখ্যা ।স্মৰ্তব্য যে,বিগত ১৯৯১-১৯৯২বৰ্ষ পৰ্যন্ত নগাঁও জিলাত কৃষকৰ সংখ্যা আছিল ৪,০৩,৬৭৮জন।কৃষি ভূমিৰ পৰিমাণ আছিল ৩,৭১,৩৪৪হেক্টৰ। কিন্তু বৰ্তমান নগাঁও জিলাত মুঠ কৃষি ভূমিৰ পৰিমাণ ১,৫১,৭৪৪ হেক্টৰহে। ইপিনে জিলা খনত বৰ্তমান কৃষকৰ সংখ্যা ২,৬৯,৫৪৯ জন।ইয়াৰে ৬৭,৩৮৭ গৰাকী ক্ষুদ্ৰ খেতিয়ক,১,২৯,৩৮৩ গৰাকী উপান্ত খেতিয়ক,২১,৫৬৪ গৰাকী বৃহৎ খেতিয়ক আৰু ৫১,২১৫ গৰাকী ভূমিহীন খেতিয়ক।আনহাতে,হোজাইত বৰ্তমান মুঠ কৃষি ভূমিৰ পৰিমাণ ৯৮,৭২৩হেক্টৰ আৰু মুঠ কৃষকৰ পৰিমাণ ১,২৬,৩৯৬গৰাকী। জিলা খনত মাত্ৰ দুটা দশকৰ ভিতৰতে অভিলেখ সংখ্যক কৃষক হ্ৰাস পায়।জিলা খনত বৰ্তমান বছৰি শালি ধান উৎপাদন হয় ৩,৫৪,৩৮৮মেট্ৰিকটন আৰু বৰো ধান উৎপাদন হয় ২,৭৩,৫৩৩মেট্ৰিকটন।অথচ বিগত ১৯৯১চন পৰ্যন্ত জিলা খনত ৪.০৬৪৪ লাখ মেট্ৰিকটন চাইল উৎপন্ন হৈছিল। জিলা খনত কৃষিভূমি আৰু কৃষকৰ পৰিমাণ অভাৱনীয় ভাৱে হ্ৰাস পোৱাৰ অন্যতম প্ৰধান কাৰণ হৈছে ব্যাপক জনবিষ্ফোৰণ।ব্যাপক জন বিস্ফোৰণৰ ফলত আৱাসিক এলেকা সম্প্ৰসাৰিত হৈছে।যাৰ ফলত কৃষি ভূমি সমূহতেই গঢ়ি উঠিছে আৱাসিক এলেকা।বিগত ১৯৯১চনত জিলা খনৰ মুঠ জনসংখ্যা ২০,৭৩,৬৩৬গৰাকী আছিল যদিও বৰ্তমান ই প্ৰায় ৩৫লাখ হৈছেগৈ। আনহাতে ১৯৯১চনত জিলা খনৰ জনবসতিৰ ঘনত্ব প্ৰতি বৰ্গকিলোমিটাৰত ৪৫৮গৰাকী আছিল যদিও বৰ্তমান ৮৫০হৈছেগৈ।
তাৰোপৰি, অবিভক্ত নগাঁও জিলাত কৃষি ভূমিৰ শ শ হেক্টৰ ভূমিত গঢ়ি উঠিছে চিমেণ্ট কাৰখানা, শতাধিক ইটা ভাটা,হোটেল,ধাৱা,ৰেষ্টুৰেন্ট,পে