নিয়মীয়া বাৰ্তা, ১ ফেব্ৰুৱাৰীঃ কামৰূপ জিলাৰ ছয়গাঁও আৰক্ষীয়ে আজি অভিযান চলাই তীৰ খেলৰ এজন বুকীৰ লগতে তীৰ খেলৰ বহুতো বহী, ম’বাইল ফোন আৰু নগদ ধন আগগুমি বজাৰত জব্দ কৰিবলৈ সক্ষম হয় ।
আৰক্ষীয়ে আটক কৰা লোকজনৰ নাম চাহিদুল হক। ঘটনাৰ বিৱৰণী মতে, ছয়গাঁও আৰক্ষী থানাৰ ভাৰপ্ৰাপ্ত আৰক্ষী বিষয়া কপিল পাঠকে গোপন খবৰৰ ভিত্তিত আজি বিয়লি প্ৰায় ৩ বজাত ছয়গাঁৱৰ আগগুমি বজাৰত অভিযান চলাই উক্ত লোকজনৰ লগতে তীৰ খেলৰ বহী তথা নগদ ৬,৫৭৫ টকা জব্দ কৰে।
উক্ত লোকজনক আটক কৰি ছয়গাঁও আৰক্ষী থানালৈ আনি জেৰা অব্যাহত ৰাখিছে।