নিয়মীয়া বাৰ্তা, ১৭ জানুৱাৰীঃ নিষিদ্ধ ড্ৰাগছৰ বিৰুদ্ধে মৰিগাঁও জিলাত আৰক্ষীৰ অভিযান অব্যাহত আছে। মৰিগাঁৱৰ আৰক্ষী অধীক্ষক ডঃ নন্দ সিং বৰকলাৰ তৎপৰতাত মৈৰাবাৰী আৰক্ষীয়ে কালি নিশা মৈৰাবাৰীৰ তাঁতীকটা গাঁৱত অভিযান চলাই ড্ৰাগছ সৰবৰাহকাৰী ৰফিকুল ইছলামৰ ঘৰৰ নেমু বাগানৰ পৰা ১৯৪ বটল নিষিদ্ধ কফ চিৰাপ আৰু ৭২টা নিচাযুক্ত টেবলেটৰ পেকেট জব্দ কৰিবলৈ সক্ষম হয়। অৱশ্যে মূল অভিযুক্ত নিশাৰ আন্ধাৰৰ সুযোগ লৈ পলায়ন কৰে যদিও ৰফিকুলৰ ভাতৃ অতিকুলক আৰক্ষীয়ে গ্ৰেপ্তাৰ কৰি অভিযান অব্যাহত ৰাখিছে।