নিয়মীয়া বাৰ্তা, ২৮মাৰ্চ: নামৰূপ থানাৰ অন্তৰ্গত নামৰূপ ৰে’ল ষ্টেচনৰ কাষৰ পৰা আজি দিনৰ প্ৰায় ১২ বজাত প্ৰায় পঞ্চাশ গ্ৰাম নিষিদ্ধ ড্ৰাগছ জব্দ কৰে নামৰূপ আৰক্ষীয়ে। নামৰূপ থানাৰ পৰা প্ৰাপ্ত তথ্য মতে নামৰূপ আৰক্ষী থানাৰ ভাৰপ্ৰাপ্ত আৰক্ষী বিষয়া নীলকমল বৰুৱাৰ নেতৃত্বত যোৱা আৰক্ষী দলে অভিযান চলাই ৰে’ল ষ্টেচনৰ কাষৰ পৰা বিশাল গোৱালা (২১) আৰু পলাশ বৰা (৩২) নামৰ দুই যুৱকৰ পৰা হাতেলোটে ড্ৰাগছৰ চাৰিটা টোপোলা জব্দ কৰাৰ লগতে দুই যুৱককো গ্ৰেপ্তাৰ কৰে। জানিব পৰা মৰে বিশাল গোৱালা দিল্লীঘাটৰ আৰু পলাশ বৰা বি ভি এফ চি নিউ কলনীৰ বাসিন্দা। দুয়োকে কাইলৈ ডিব্ৰুগড়স্থিত কাৰাগাৰলৈ প্ৰেৰণ কৰিব বুলি আৰক্ষী সূত্ৰত প্ৰকাশ।
স্মৃতি নামৰূপ