নিয়মীয়া বাৰ্তা, ৩০ জুলাইঃ আপুনি যদি ভাৱে সদায়ে আমনি কৰি থকা মহবোৰক মাৰি শেষ কৰি দিম তেন্তে সেয়া আপুনি ভুল ভাবিছে । কিয়নো বিবিচিত প্ৰকাশিত বাতৰি অনুসৰি, সমগ্ৰ বিশ্বত মহৰ প্ৰায় ৩৫০০ টা প্ৰজাতি আছে । যাৰ ভিতৰত সকলো মহেই মানুহক নাকামোৰে । ইয়াৰ একাংশই ফলমূল আৰু ফুলৰ ৰস খাই জীয়াই থাকে ।
কিন্তু দৈনিক মানৱ দেহৰ তেজ খাই জীয়াই থকা মহবোৰৰ পৰা বাচিবলৈ ঘৰুৱাভাৱে প্ৰস্তুত কৰা এটা বিশেষ ক্ৰীম দেহত লগাই ইয়াৰ পৰা পৰিত্ৰাণ পাব পাৰে ।
উল্লেখ্য যে ঘৰত অতি সহজতে পোৱা নীম হৈছে মহৰ পৰা পৰিত্ৰাণৰ এক উপায় । নীম আৰু নাৰিকলৰ তেলৰ এক সংমিশ্ৰণ প্ৰস্তুত কৰি ক্ৰীমৰ দৰে তাক খালী দেহত লগালে মহে নাকামোৰে । যি প্ৰায় ৮ ঘণ্টালৈকে কাম কৰিব ।
লগতে কাপোৰ জ্বলাইয়ো মহ খেদিব পৰা যায় । এখন কাপোৰ জ্বলাই ১৫-২০ মিনিট সময় থৈ দিলেও ৰূমৰ পৰা মহ নোহোৱা হয় ।