নিয়মীয়া বাৰ্তা, ৩০ জুলাইঃ আজি ভাৰত-ম্যানমাৰ সীমান্তত তালাচী অভিযানত মণিপুৰৰ সন্ত্ৰাসবাদী সংগঠন পিপলছ লিবাৰেচন আৰ্মীয়ে অসম ৰাইফলছৰ ওপৰত আক্ৰমণ কৰে । এই আক্ৰমণত ৩ জোৱান শ্বহীদ হোৱাৰ লগতে ৪ জন জোৱান গুৰুতৰভাৱে আঘাতপ্ৰাপ্ত হৈছে ।
সংবাদ সংস্থা এ এন আইৰ মতে, ম্যানমাৰ সীমান্তত চন্দেল জিলাত এই আক্ৰমণৰ ঘটনাটো সংঘটিত হৈছে । উল্লেখ্য যে সন্ত্ৰাসবাদী গোটটোৱে প্ৰথমে IED বিস্ফোৰণ ঘটায় আৰু পাছত ধাৰাষাৰ গুলীবৰ্ষণ কৰে । মণিপুৰৰ ৰাজধানী ইম্ফলৰ পৰা প্ৰায় ১০০ কিলোমিটাৰ দূৰত্বত সংঘটিত হোৱা এই আক্ৰমণস্থলীত বৰ্তমান অতিৰিক্ত সেনা মোতায়েন কৰা হৈছে ।
The terrorists first carried out an IED blast and then fired at the troops. Reinforcements have been rushed to the area which is 100 km from Imphal: Sources https://t.co/WgGVnZM8FQ
— ANI (@ANI) July 30, 2020