৩১বাৰ এভাৰেষ্ট বগাই অভিলেখ নেপালৰ পর্বতাৰোহী কামি ৰীতাৰ

৩১বাৰ মাউণ্ট এভাৰেষ্ট বগাই অভিলেখ নেপালৰ পর্বতাৰোহী কামি ৰীতাৰ

বিশেষ প্ৰতিবেদনঃ পৃথিৱীৰ সর্বোচ্চ শৃংগ এভাৰেষ্ট এবাৰ জয় কৰাটোৱেই এক সপোন পূৰণৰ লেখীয়া৷ পৃথিৱীৰ বিভিন্ন দেশৰ পর্বতাৰোহীসকলে এভাৰেষ্ট শৃংগ এবাৰ বগাবলৈ স্বপ্ণ দেশে আৰু বাস্তৱায়িত কৰাৰ বাবে কঠোৰ পৰিশ্রম কৰে৷

এবাৰ নহয়, অভিলেখসংখ্যক ৩১বাৰ মাউণ্ট এভাৰেষ্ট বগাই এক বিৰল অভিলেখ গঢ়িলে নেপাল পর্বতাৰোহী কামি ৰীতাই৷ প্রখ্যাত নেপালী শ্বেৰপা গাইড কামি ৰীতাই নিজেই গঢ়া পূর্বৰ অভিলেখ ভংগ কৰি ৩১বাৰ মাউণ্ট এভাৰেষ্ট বগোৱাৰ ইতিহাস গঢ়ে৷

মাউণ্ট এভাৰেষ্ট সফলতাৰে বগোৱাৰ অভিলেখৰ গৰাকী কামি ৰীতাই আজি পুৱতিনিশা ৪ বজাত এভাৰেষ্ট শৃংগ বগাই ৩১বাৰ সফলতাৰ গৰাকী হয়৷ ছেভেন ছামিট ট্রেকছৰ অধ্যক্ষ মিংমা শ্বেৰপাই প্রকাশ কৰা মতে, ৫৫ বছৰীয়া কামি ৰীতাই এভাৰেষ্ট শৃংগৰ ৮,৮৪৯ মিটাৰ পর্বত বগাই এক অনাকাংক্ষিত অভিলেখ গঢ়ে৷

১৯৯২ চনত পর্বতাৰোহণৰ যাত্রা আৰম্ভ কৰা কামি ৰীতাই পিছলৈ এভাৰেষ্ট শৃংগ বগোৱা অভিযানৰ সহকর্মী হিচাপে যোগদান কৰে৷ তেতিয়াৰ পৰাই কামি ৰীতাই এভাৰেষ্ট শৃংগ বগোৱা অভিযানত নামি পৰে আৰু অভিলেখ গঢ়ে৷ কামি ৰীতাই ১৯৯৪ চনৰ পৰা ২০২৫ চনলৈকে কে–২ আৰু মাউণ্ট উৎছে এবাৰকৈ পর্বত বগোৱাৰ বিপৰীতে মানাছলুই তিনিবাৰ আৰু শ্ব অয়োই ৮বাৰ সফলতাৰে আৰোহণ কৰে৷

মন কৰিবলগীয়া প্রতিবছৰে নেপালৰ দিশৰ পৰা কেইবাশ পর্বতাৰোহীয়ে মাউণ্ট এভাৰেষ্ট বগোৱাৰ প্রয়াস কৰে যদিও মাত্র কেইজনমানেহে সফলতাৰ মুখ দেখে৷ কামি ৰীতাই ৫৫ বছৰীয়া জীৱনত ৩১বাৰ মাউণ্ট এভাৰেষ্ট বগোৱাটো বিৰল অভিলেখ৷ ৰীতাৰ এই সফলতাক বিশ্বজুৰি প্রশংসা চলিছে৷ উল্লেখ্য যে ১৯৫৩ চনত নিউজিলেণ্ডৰ এডমাণ্ড হিলাৰী আৰু নেপালী শ্বেৰপা টেনজিং নৰগেই প্রথমবাৰৰ বাবে এভাৰেষ্ট শৃংগ বগাই ইতিহাস ৰচিছিল৷