নিয়মীয়া বাৰ্তা ১১ ফেব্ৰুৱাৰীঃ আইচিচি বিশ্বকাপৰ পাছত বিজয় ৰথত উঠি থকা টীম ইণ্ডিয়াৰ বাট ভেটিলে নিউজিলেণ্ডে ।
টি-২০ শৃংখলাত নিউজিলেণ্ডক হোৱাইটৱাছ কৰাৰ পাছত এদিনীয়া শৃংখলাটোত আজি ঘৰুৱা দল নিউজিলেণ্ডৰ হাতত হোৱাইটৱাছ হ’ল টীম ইণ্ডিয়া । মাউণ্ট মাংগানুইত অনুষ্ঠিত হোৱা তৃতীয় মেচখনত নিউজিলেণ্ডে ৫ উইকেটত পৰাস্ত কৰে আলহী দল ভাৰতক ।
প্ৰথমে টছত জয়ী হৈ নিউজিলেণ্ডে বলিং কৰাৰ সিদ্ধান্ত লয় । ইপিনে প্ৰথমে বেটিং কৰি পূৰ্বৰ ২ খন মেচৰ দৰেই আজিও টীম ইণ্ডিয়াই বৃহৎ স্ক’ৰ থিয় কৰিবলৈ সক্ষম নহ’ল ৷ ফলত নিৰ্ধাৰিত অভাৰত ৭ টা উইকেট হেৰুৱাই ২৯৬ ৰান সংগ্ৰহ কৰে । য’ত ভাৰতৰ হৈ সৰ্বাধিক ১১২ ৰান সংগ্ৰহ কৰে উইকেট কীপাৰ বেটছমেন কে এল ৰাহুলে । লগতে শ্ৰেয়াৰ্ছ আয়াৰে ৬২ ৰানৰ বৰঙণি যোগায় ।
ইফালে ২৯৭ ৰানৰ লক্ষ্য আগত লৈ নিউজিলেণ্ডে খেল আৰম্ভ কৰি নিৰ্ধাৰিত অভাৰ বাকী থাকোতেই ৪৭.১ অভাৰত ৫ উইকেট হেৰুৱাই এই লক্ষ্য ভেদ কৰে । দলটোৰ হৈ মাৰ্টিন গুপটিলে ৬৬, হেনৰী নিকলছে ৮০ আৰু কলিন দি গ্ৰান্ধমেই সৰ্বাধিক ৫৮ ৰানৰ সহায়ত তৃতীয় এদিনীয়া নিজৰ দখললৈ নি টীম ইণ্ডয়াক হোৱাইট ৱাছ কৰে ।
উল্লেখ্য যে ভাৰতৰ বেগী ব’লাৰ যশপ্ৰিৎ বুমৰাহে এটাও উইকেট লাভ কৰিবলৈ সক্ষম নহ’ল ৩ খন এদিনীয়াৰ শৃংখলাটোত । ইফালে এদিনীয়া শৃংখলাটোত ৰছ টেইলৰে ‘মেন অৱ দ্যা চিৰিজ’ৰ সন্মান লাভ কৰে ।