নিয়মীয়া বাৰ্তা, ২৭ ফেব্ৰুৱাৰীঃ মহামাৰী ক’ৰোনা ভাইৰাছক লৈ শংকিত হৈ পৰিছে সম্প্রতি ইটালীৰ আচিচিত আবদ্ধ হৈ থকা ভাৰতীয় পুৰুষ আৰু মহিলা বক্সিং দলটো৷ অলিম্পিকৰ কোৱালিফায়াৰৰ বাবে অনুশীলনৰ অর্থে ইটালীলৈ ৰাওনা হৈছিল অসমৰ লাভলীনা বৰগোহাঁই, এম চি মেৰীকমসহ ভাৰতীয় বক্সিং দলটো৷ সম্প্রতি ইটালীত ক’ৰোনা ভাইৰাছে মহামাৰীৰ ৰূপ লোৱাত শংকাত ভুগিছে ভাৰতীয় বক্সিং দলটোৱে৷ যিকোনো সময়তে মিলানত থকা বিমানবন্দৰ বন্ধ হৈ পৰাৰ সম্ভাৱনা আছে৷ দলটোৱে ২৮ ফেব্রুৱাৰীত ইটালীৰ পৰা জর্দানলৈ ৰাওনা হোৱাৰ কথা আছিল যদিও দলটোৱে শীঘ্রে ইটালী এৰাৰ বাবে যাৱতীয় ব্যৱস্থা গ্রহণ কৰিছে ভাৰতীয় বক্সিং ফেডাৰেচনে৷