নিয়মীয়া বাৰ্তা, ২৯ ডিচেম্বৰঃ ঘৰুৱা দল জম্মু–কাশ্মীৰ আৰু অসমৰ মাজৰ ৰঞ্জি ট্রফীৰ গ্রুপ ‘চি’ৰ মেচখন অমীমাংসিত হয়৷ মেচখনৰ চতুর্থ তথা অন্তিম দিনা অসমে প্রথম ইনিংছত দুটা উইকেট হেৰুৱাই ৮২ ৰান কৰাৰ সময়তে মেচখনৰ যৱনিকা পৰে৷
মন কৰিবলগীয়া যে মেচখনৰ প্রথম ইনিংছ সমাপ্ত নোহোৱাৰ বাবেই অসমে এক পইণ্ট লাভ কৰাৰ বিপৰীতে ঘৰুৱা দলটোৱেও এক পইণ্ট লাভ কৰে৷
উল্লেখ্য যে বেয়া বতৰৰ বাবে শনিবাৰে চতুর্থ দিনাও ২১ অভাৰৰ খেল সম্ভৱপৰ হয়৷ তৃতীয় দিনা কোনো উইকেট নেহেৰুৱাকৈ প্রথম ইনিংছত কৰা ২২ ৰানৰ পৰা ইনিংছ মুকলি কৰিবলৈ আহি অসমে আজি ঋষভ দাস আৰু শিৱশংকৰ ৰয়ৰ উইকেট হেৰুৱায়৷ ইফালে, ৰাহুল হাজৰিকাই ২৭ আৰু গকুল শর্মাই ৩৬ ৰানত বেটিং কৰি থাকে৷