নিয়মীয়া বাৰ্তা ডিজিটেল, ৬ নৱেম্বৰঃ ক্ৰমান্বয়ে বৃদ্ধি পাইছে আই পি এল ২০২৫ৰ উত্তেজনা। নিলামৰ দিন আৰু স্থান ঘোষণা কৰিছে বিচিচিআইয়ে। ২৪ আৰু ২৫ নৱেম্বৰত ছৌদি আৰবৰ জেদ্দা চহৰত অনুষ্ঠিত হ’ব মেগা নিলাম, য’ত মুঠ ১৫৭৪জন খেলুৱৈৰ নিলাম হ’ব। নিলামত ক্ৰয় কৰা হ’ব বহু দেশৰ কেপড আৰু আনকেপড খেলুৱৈ। জানো আহক কিমানজন কেপড, আনকেপড আৰু কিমানজন এছ’চিয়েট নেচন খেলুৱৈয়ে নিলামৰ বাবে পঞ্জীয়ন কৰিছে। উল্লেখ্য যে মেগা নিলামত পঞ্জীয়ন কৰা খেলুৱৈসকলৰ ভিতৰত আছে ১১৬৫জন ভাৰতীয় আৰু ৪০৯জন বিদেশী। পঞ্জীয়ন কৰিবলগীয়া মুঠ খেলুৱৈৰ ভিতৰত আছে ৩২০জন কেপড (যিসকলে আন্তঃৰাষ্ট্ৰীয় ক্ৰিকেট খেলিছে) আৰু ১২২৪জন অনকেপড খেলুৱৈ। ইয়াৰ উপৰি ৩০খন সহযোগী ৰাষ্ট্ৰৰ খেলুৱৈয়েও মেগা নিলামৰ বাবে পঞ্জীয়ন কৰে। খেলপথাৰত অংশগ্ৰহণ কৰা ৩২০গৰাকী খেলুৱৈৰ ভিতৰত আছে ৪৮গৰাকী ভাৰতীয় আৰু ২৭২গৰাকী আন্তঃৰাষ্ট্ৰীয় খেলুৱৈ। ইয়াৰ উপৰি ১,২২৪জন আনকেপড খেলুৱৈৰ ভিতৰত আছে যোৱা ছিজনত আই পি এলৰ অংশ হিচাপে থকা ১৫২গৰাকী ভাৰতীয় খেলুৱৈ। ইয়াৰ উপৰি আৰু ৯৬৫জন আনকেপড ভাৰতীয়ক অন্তৰ্ভুক্ত কৰা হৈছে। বাকী আন্তঃৰাষ্ট্ৰীয় আনকেপড খেলুৱৈৰ ভিতৰত আছে ১০৪গৰাকী খেলুৱৈ আৰু যোৱা ছিজনত আই পি এলৰ অংশ হোৱা ৩গৰাকী খেলুৱৈ। আনহাতে ভাৰতৰ ১১৬৫, আফগানিস্তানৰ ২৯, অষ্ট্ৰেলিয়াৰ ৭৬, বাংলাদেশৰ ১৩, কানাডাৰ ৪, ইংলেণ্ডৰ ৫২, আয়াৰলেণ্ডৰ ৯, ইটালীৰ এজন, নেদাৰলেণ্ডৰ ১২ খেলুৱৈ, নিউজিলেণ্ডৰ ৩৯, স্কটলেণ্ডৰ ২, দক্ষিণ আফ্ৰিকাৰ ৯১, শ্ৰীলংকাৰ ২৯, ইউ এ ইৰ ১, আমেৰিকাৰ ১০, ৱেষ্ট ইণ্ডিজৰ ৩৩ আৰু জিম্বাবুৱে ৮জন খেলুৱৈৰ নাম পঞ্জীয়ন হৈছে। আই পি এল ২০২৫ৰ মেগা নিলামত ক্ৰয় কৰা হ’ব মাত্ৰ ২০৪গৰাকী খেলুৱৈ। আই পি এলৰ ১০টা দলৰ আটাইকেইটাতে মুঠ ২০৪টা শ্লট খালী, যিটো পূৰণ কৰিবলৈ দলসমূহে নিবিদা দিব। এইদৰে পঞ্জীয়ন কৰা মুঠ ১৫৭৪গৰাকী খেলুৱৈৰ ভিতৰত মাত্ৰ ২০৪গৰাকী খেলুৱৈহে ক্ৰয় কৰা হ’ব। এটা ফ্ৰেঞ্চাইজিয়ে সৰ্বাধিক ২৫জন খেলুৱৈহে ক্ৰয় কৰিব পাৰে। ইফালে নিলামৰ বাবে এটা দলৰ ধনৰ পৰিমাণ এনেধৰণৰ- চেন্নাই ছুপাৰ কিংছ ৫৫ কোটি টকা, মুম্বাই ইণ্ডিয়ানছ ৪৫ কোটি টকা, কলকাতা নাইট ৰাইডাৰ্ছ ৫১ কোটি টকা, ৰাজস্থান ৰয়েলছ ৪১ কোটি টকা, ছানৰাইজাৰ্ছ হায়দৰাবাদ ৪৫ কোটি টকা, গুজৰাট টাইটানছ ৬৯ কোটি টকা, ৰয়েল চেলেঞ্জাৰ্ছ বাংগালুৰু ৮৩ কোটি টকা, দিল্লী কেপিটেলছ ৭৩ কোটি টকা, পঞ্জাৱ কিংছ ১১০.৫ কোটি টকা আৰু লক্ষ্ণৌ ছুপাৰ জায়েন্টছ ৬৯ কোটি টকা।