নিউজ ডেস্ক, ২০ মাৰ্চঃ টীম ইণ্ডিয়াৰ তাৰকা বেটাৰ বিৰাট কোহলিয়ে যিমানেই আপত্তি নকৰক কিয়, ভাৰতীয় ক্রিকেট নিয়ন্ত্রণ ব’র্ডে খেলুৱৈসকলৰ সৈতে পৰিয়ালৰ সদস্যক বিদেশ ভ্রমণলৈ নিয়াৰ নীতি সলনি নকৰে৷ ব’ৰ্ডৰ সচিব দেৱজিৎ শহকীয়াই এই কথা স্পষ্ট কৰি দিয়ে৷ তেওঁ স্পষ্টকৈ উল্লেখ কৰে যে ব’র্ডে দেশ আৰু প্রতিষ্ঠানৰ স্বার্থত পৰিয়াল নীতি বন্ধ কৰিছে৷ অদূৰ ভৱিষ্যতে এই নীতি সলনি হোৱাৰ সম্ভাৱনা নাই৷ কোহলিৰ সময়ত ভাৰতীয় ক্রিকেটত যি আমূল পৰিৱর্তন ঘটিছিল তাৰ ভিতৰত এটা আছিল ক্রিকেটাৰৰ পৰিয়ালৰ সদস্যসকলে হোটেলৰ কোঠা আৰু ড্রেছিং ৰুমলৈ মুক্তভাৱে চলাচল কৰা৷ এনে নহয় যে কোহলিৰ আগতে ক্রিকেটাৰৰ পৰিয়ালৰ সদস্যই দলীয় হোটেললৈ যোৱা নাছিল৷ কিন্তু কোহলিৰ ৰাজত্বকালত ই এক চৰম ৰূপ ধাৰণ কৰিছিল৷
ডিগবৈ আইঅ’চিত কৃষক মুক্তিৰ নেতা উমানন্দ মুদৈৰ ছিণ্ডিকেটৰাজ
পিছলৈ ৰোহিতেও সেই সংস্কৃতি অব্যাহত ৰাখিলে৷ কিন্তু ব’ৰ্ডাৰ–গাভাস্কাৰ ট্ৰফীত ভাৰতৰ ব্যর্থতাৰ পিছত ছবিখন সলনি হয়৷ ব’ৰ্ডৰ একাংশই টীম ইণ্ডিয়াৰ ব্যর্থতাৰ বাবে পৰিয়ালৰ সদস্যৰ উপস্থিতিক জগৰীয়া কৰে৷ ব’ৰ্ডৰ মতে পৰিয়ালৰ সদস্যৰ উপস্থিতিয়ে খেলুৱৈসকলৰ একাগ্রতাত ব্যাঘাত জন্মাইছিল৷ হয়তো সেইবাবেই ব’র্ডে এক বিবৃতি প্রকাশ কৰি কয় যে ক্রিকেটাৰসকলে আৰু বিদেশ ভ্রমণত পৰিয়ালৰ সদস্যক পূর্ণকালীনভাৱে লগত ৰাখিব নোৱাৰিব৷ ৪৫ দিনীয়া ভ্রমণৰ সময়ত পৰিয়ালৰ সদস্যক সর্বাধিক ১৪ দিন তেওঁলোকৰ লগত ৰাখিব পাৰিব৷ ভ্রমণটো তাতকৈ চুটি হ’লে এসপ্তাহ৷ বিচিচিআইৰ সচিব দেৱজিৎ শইকীয়াৰ মতে ব’ৰ্ডৰ নতুন নিয়মক লৈ কিছু অসন্তুষ্টি থাকিব পাৰে৷ কাৰণ ভাৰত এখন গণতান্ত্রিক দেশ৷ কিন্তু চূড়ান্ত সিদ্ধান্ত ল’ব ব’র্ডে৷ ব’র্ডে জানে যে নতুন নিয়মৰ প্রতি কোনো কোনো খেলুৱৈ অসন্তুষ্ট হ’ব পাৰে৷ গণতান্ত্রিক দেশত সকলোৰে নিজৰ মনৰ কথা কোৱাৰ অধিকাৰ আছে৷ এই নিয়ম এজন ক্রিকেটাৰৰ বাবে কৰা হোৱা নাছিল৷ প্রতিজন ক্রিকেটাৰ, প্রশিক্ষক, মেনেজাৰ, সহায়ক কর্মচাৰীয়ে এই নিয়ম মানি চলিব লাগিব৷ এই সিদ্ধান্ত সকলোৰে স্বার্থত লোৱা হৈছে৷ সেয়েহে সকলোৱে মানি চলিব লাগিব৷ উল্লেখ্য যে কিন্তু দুদিন পূর্বে কোহলিয়ে ব’ৰ্ডৰ এই নীতিক লৈ ৰাজহুৱাভাৱে আপত্তি কৰিছিল৷