মেগনাছ কাৰ্লচেনক পুনৰ হৰুৱালে দবা চাঞ্চল্য গুকেশে

দবা চাঞ্চল্য : বিশ্বচেম্পিয়ন গুকেশৰ বিৰুদ্ধে খেলি এবাৰো টেবুলত মাৰ মাৰিবলৈ বা “Oh my God” বুলি চিঞৰি উঠিবলৈ সময় নাপালে মেগনাছ কাৰ্লচেনে। এইবাৰো তেওঁ হাৰ মানি চুপে চাপে আঁতৰি গল। নৰৱে চেছত গুকেশৰ হাতত ক্লাছিকেল হাৰত পৰাজিত হোৱাৰ পাছত, Super United Rapid and Blitz Croatia 2025-ৰ ৰেপিড খেলতো তেওঁ গুকেশৰ বিপক্ষে 49 move-ত হাৰ মানিলে।

এই জয়ৰ লগে লগে গুকেশ ১০ পইণ্ট লৈ শীৰ্ষস্থানত থাকিল, যেতিয়া কাৰ্লচেন ৬ পইণ্টতেই ৰৈ গ’ল। এতিয়াও তিনিখন ৰেপিড খেল বাকী থকা অৱস্থাত গুকেশ Jan-Krzysztof Duda-ৰ পৰা দুটা পইণ্টৰ আগত আছে। কাৰ্লচেনৰ পক্ষৰ পৰা এটা সৰল হেণ্ডশেইক আৰু গম্ভীৰ মুখৰ অভিব্যক্তিত খেল শেষ হ’ল।

এই জয়টো নৰৱে চেছৰ জয়তকৈও অধিক গুৰুত্বপূর্ণ বুলি গণ্য কৰা হৈছে। কাৰণ এইবাৰ কাৰ্লচেনৰ হাতত আছিল সাদা ঘুটি আৰু ফৰমেটটো আছিল ৰেপিড— য’ত গুকেশে আগতে তেনেকুৱা সফলতা প্ৰদৰ্শন কৰা নাছিল। প্ৰতিযোগিতাৰ আগতে এই কথা গুকেশে নিজেও স্বীকাৰ কৰিছিল।

বিশ্বচেছৰ প্ৰাক্তন চেম্পিয়ন গেৰী কাস্পাৰভে ক’লে — “এতিয়া আমি মেগনাছৰ আধিপত্যক প্ৰশ্ন কৰিব পাৰো। এইটো কেৱল তেওঁৰ দ্বিতীয় হাৰ নহয়, এইটো এটা নিশ্চিত হাৰ। কোনো ভুলৰ পৰা সুফল লোৱা হাৰ নহয় — গুকেশে আচল খেলতে মেগনাছক পৰাস্ত কৰিলে।”

গুকেশ এক বিশ্লেষণাত্মক খেলুৱৈ — যাৰ বাবে সময়ৰ প্ৰয়োজন হয়। সেইবাবে তেওঁ ক্লাছিকেল চেছ-ত ভাল ফলাফল কৰে। কিন্তু Zagreb-ত তেওঁ কাৰ্লচেন আৰু কাৰুৱানাৰ বিৰুদ্ধে টাইম কন্ট্ৰ’লতো আগত আছিল, যি গুকেশৰ ৰেপিড ফৰমেটৰ নতুন দিশ দেখুৱালে।

প্ৰতিযোগিতাৰ আগতে মেগনাছে কৈছিল — “গুকেশে ৰেপিড আৰু ব্লিট্জত ভাল খেলিব বুলি কিবা দেখুৱাই নাছিল। এই ফৰমেটত তেওঁ শ্ৰেষ্ঠ খেলুৱৈৰ ভিতৰত আছে বুলি প্ৰমাণ দিব লাগিব। মই তেওঁক তুলনামূলকভাৱে দুৰ্বল প্রতিদ্বন্দ্বী হিচাপে লম।”

কিন্তু এতিয়া গুকেশে সেই সকলো সন্দেহৰ মূৰত জবাব দিছে। তেওঁৰ পৰিস্ফুট প্ৰদৰ্শনে প্ৰকাশ কৰিছে যে তেওঁ কেৱল ক্লাছিকেল নহয়, ৰেপিড আৰু ব্লিট্জ ফৰমেটতো বিশ্ব পৰ্যায়ৰ খেলুৱৈ হিচাপে নিজকে প্ৰতিষ্ঠা কৰিছে।

🔹 গুকেশৰ জয়ত ভাৰতীয় চেছৰ ইতিহাসত এটা নতুন অধ্যায় আৰম্ভ হৈছে।
🔹 কাৰ্লচেনৰ আধিপত্যত প্ৰথমবাৰৰ বাবে ধ্বনি উঠিছে — “শেষ হ’ব নেকি তেওঁৰ স্বর্ণযুগ?”
🔹 আৰু কাস্পাৰভৰ মন্তব্যই সেই সন্দেহক আৰু দৃঢ় কৰে।

Niyomiya Barta Desk, Date of Published, 4 July, 2025