নিয়মীয়া বাৰ্তা ১৫ জুনঃ আই চি চি বিশ্ব টেষ্ট চেম্পিয়নশ্বিপৰ বিজয়ী দলে ১.৬ মিলিয়ন ডলাৰ (ভাৰতীয় হিচাপত প্রায় ১২ কোটি)ৰ প্রাইজমানী লাভ কৰিব৷ একেদৰে ফাইনেলত পৰাস্ত হোৱা দলটোৱে প্রাইজমানী হিচাপে পাব প্রায় ৬ কোটি টকা৷
ছাউদাম্পটনত অহা ১৮ জুনৰ পৰা আৰম্ভ হ’বলগীয়া বিশ্ব টেষ্ট চেম্পিয়নশ্বিপৰ ফাইনেলৰ পূর্বে আন্তঃৰাষ্ট্রীয় ক্রিকেট কাউঞ্চিলে আজি এই কথা সদৰী কৰে৷ চেম্পিয়ন দলে ১২ কোটিৰ প্রাইজমানীৰ সৈতে আই চি চি টেষ্ট চেম্পিয়নশ্বিপ মেচ (দণ্ড) লাভ কৰিব বুলিও আই চি চিয়ে জানিবলৈ দিছে৷
ইয়াৰ পূর্বে আই চি চিয়ে দলীয় ৰেংকিঙৰ শীর্ষস্থানপ্রাপ্ত দলটোক টেষ্ট ‘দণ্ড’ আগবঢ়াইছিল৷