নিয়মীয়া বাৰ্তা ৫ মেঃ ক’ৰোনাৰ ভয়াৱহতাৰ বাবে অনির্দিষ্টকাললৈ স্থগিত ৰখা আই পি এলৰ চতুর্দশ সংস্কৰণটোৰ পৰৱর্তী মেচসমূহ সংযুক্ত আৰব আমীৰ শ্বাহীত আয়োজন কৰাৰ পোষকতা কৰিছে আই পি এলৰ গৱর্নিং কাউন্সিলে৷
অৱশ্যে ভাৰতীয় ক্রিকেট নিয়ন্ত্রণ ব’র্ডে আই পি এলৰ গৱর্নিং বডীৰ এই প্রস্তাৱক পোনচাটেই নাকচ কৰিছে৷
বি চি চি আয়ে আই পি এলখন স্থগিত ৰখাৰ পিছত ইউ এ ইত এসপ্তাহৰ পিছত আই পি এলখন পুনৰ অনুষ্ঠিত কৰিব লাগে বুলি আই পি এলৰ গৱর্নিং বডীয়ে ব’ডৰ ওচৰত এক প্রস্তাৱ দাঙি ধৰিছিল৷ কিন্তু এই ক্ষেত্রত বি চি চি আয়ে অচিৰেই কোনোধৰণৰ পদক্ষেপ গ্রহণ নকৰে বুলি মন্তব্য কৰে৷
উল্লেখ্য যে বিগত বর্ষত ভাৰতত হোৱা ক’ৰোনাৰ বাবে আই পি এলখন সংযুক্ত আৰব আমীৰ শ্বাহীত অনুষ্ঠিত কৰিছিল ভাৰতীয় ক্রিকেট নিয়ন্ত্রণ ব’র্ডে৷