নিয়মীয়া বাৰ্তা ডিজিটেল, ২২ ফেব্ৰুৱাৰীঃ চেম্পিয়নছ ট্ৰফীৰ প্ৰথমখন মেচত নিউজিলেণ্ডৰ বিৰুদ্ধে পাকিস্তানে তীব্ৰ পৰাজয়ৰ সন্মুখীন হ’বলগীয়া হয়। মিচেল ছাণ্টনাৰৰ অধিনায়কত্বত থকা নিউজিলেণ্ডে পাকিস্তানক ৬০ ৰানৰ বিশাল ব্যৱধানত পৰাস্ত কৰে। এতিয়া ভাৰতীয় দলৰ প্ৰত্যাহ্বানৰ সন্মুখীন হ’ব পাকিস্তান। কাইলৈ ডুবাইত মুখামুখি হ’ব ভাৰত আৰু পাকিস্তানৰ দল। এই হাইভল্টেজ মেচখনক লৈ ক্ৰিকেট কিংবদন্তিসকলে ধাৰাবাহিকভাৱে নিজৰ মতামত দি আছে। তাৰ মাজতে ভাৰত পাকিস্তানৰ খেলখনক লৈ নিজৰ প্ৰতিক্ৰিয়া প্ৰকাশ কৰিছে পাকিস্তানীৰ প্ৰাক্তন ক্ৰিকেটাৰ বসিত আলীয়ে। বাছিত আলীৰ মতে যদি পাকিস্তানৰ দলে ভাৰতক পৰাস্ত কৰে তেন্তে ই এক ডাঙৰ খবৰ হ’ব। ভাৰতীয় দলটো অতি সুষম, কিন্তু যদি পাকিস্তানে জয়ী হ’বলৈ সক্ষম হয় তেন্তে মোৰ মতে ই এক ডাঙৰ খবৰ হ’ব৷ পাকিস্তানৰ স্তৰ ক্ৰমাগতভাৱে কমি আহিছে। বাছিত আলীয়ে নিজৰ ইউটিউব চেনেলত কয় যে যদি ভাৰত বনাম পাকিস্তানৰ খেলখন একপক্ষীয় হয়, তেন্তে টিভিবোৰো ভাঙি নাযায় কাৰণ পাকিস্তানত মুদ্ৰাস্ফীতি অতি বেছি। এতিয়া সকলো কাম কেৱল মুখেৰেই হ’ব। ইয়াৰ উপৰি বাছিত আলীয়ে পাকিস্তানৰ বেটিঙৰ ওপৰত নিজৰ প্ৰতিক্ৰিয়া প্ৰকাশ কৰে। বসিত আলীয়ে কয় যে ফখৰ জামান টুৰ্ণামেণ্টৰ বাহিৰত, এতিয়া পাকিস্তানৰ বেটিং অৰ্ডাৰ ১ নম্বৰৰ পৰা ৫ নম্বৰলৈকে কম বেছি পৰিমাণে একে, এয়াই সত্য। ভাৰতীয় বেটছমেন বিৰাট কোহলীয়ে পাকিস্তানৰ বিৰুদ্ধে ভাল ইনিংছ খেলিব বুলি বাসিত আলীৰ বিশ্বাস। তেওঁ কয় যে বিৰাট কোহলিয়ে পাকিস্তানৰ বিৰুদ্ধে খেলখনৰ বাবে অপেক্ষা কৰি আছে।