নিয়মীয়া বাৰ্তা ডিজিটেল, ৩০ মাৰ্চঃ ক্ৰমাৎ বৃদ্ধি পোৱা চাইবাৰ জালিয়াতিৰ ঘটনা ৰোধ কৰিবলৈ চৰকাৰে কল ফৰৱাৰ্ডিঙৰ সুবিধা বন্ধ কৰাৰ সিদ্ধান্ত লৈছে। ইয়াৰ বাবে দূৰসংযোগ বিভাগে সকলো টেলিকম কোম্পানীক নিৰ্দেশনা দিছে আৰু তেওঁলোকে ১৫ এপ্ৰিলৰ পৰা এই সুবিধা বন্ধ কৰিব লাগিব। দূৰসংযোগ বিভাগৰ এই নিৰ্দেশনা ইউ এছ এছ ডিৰ ওপৰত ভিত্তি কৰি কল ফৰৱাৰ্ডিঙৰ বাবে। বিভাগটোৱে টেলিকম কোম্পানীসমূহক ১৫ এপ্ৰিলৰ পৰা ইউ এছ এছ ডি ভিত্তিক কল ফৰৱাৰ্ডিং বন্ধ কৰিবলৈ কয়। লগতে চৰকাৰে কোম্পানীসমূহক কল ফৰৱাৰ্ডিঙৰ সুবিধাৰ বিকল্প ব্যৱস্থা কৰিবলৈ কয়। ইউ এছ এছ ডি ভিত্তিক সেৱাৰ অধীনত গ্ৰাহকে বহুতো সুবিধা লাভ কৰে, য’ত কল ফৰৱাৰ্ডিঙৰ সুবিধাও অন্তৰ্ভুক্ত। ইয়াৰ উপৰি আইএমইআই নম্বৰ পৰীক্ষা কৰাৰ পৰা আৰম্ভ কৰি বেলেঞ্চ পৰীক্ষা কৰালৈকে বহু কাম ইউএছএছডিৰ জৰিয়তে কৰা হয়। এই সেৱাসমূহত গ্ৰাহকে নিজৰ ফোনটোৰ পৰা সক্ৰিয় ক’ড ডায়েল কৰিবলগীয়া হয়। সক্ৰিয় ক’ড হৈছে হেচটেগ আৰু ষ্টাৰৰ দৰে চিম্বল আৰু ডিজিটৰ এটা কম্বো। ফোন সম্পৰ্কীয় চাইবাৰ জালিয়াতি আৰু চাইবাৰ অপৰাধৰ ক্ষেত্ৰত ইউ এছ এছ ডি সেৱাৰ অপব্যৱহাৰ হোৱাৰ আশংকা চৰকাৰে প্ৰকাশ কৰিছে। এই কাৰণেই চৰকাৰে ১৫ এপ্ৰিলৰ পৰা ইউ এছ এছ ডি ভিত্তিক কল ফৰৱাৰ্ডিং সেৱা বন্ধ কৰিবলৈ কয়। অগাঁথনিহীন পৰিপূৰক সেৱা তথ্য অৰ্থাৎ USSD ৰ ওপৰত ভিত্তি কৰি কল ফৰৱাৰ্ডিং সেৱাসমূহক *401# সেৱা বুলিও কোৱা হয়। চৰকাৰৰ নিৰ্দেশনা অনুসৰি ১৫ এপ্ৰিলৰ পৰা ইউ এছ এছ ডি ভিত্তিক কল ফৰৱাৰ্ডিং সুবিধা বন্ধ কৰা হ’ব। চৰকাৰে টেলিকম কোম্পানীসমূহক জনাইছে যে তেওঁলোকে গ্ৰাহকক কল ফৰৱাৰ্ডিং সুবিধা পুনৰ সক্ৰিয় কৰাৰ বিকল্প প্ৰদান কৰিব পাৰে। বৰ্তমান যিসকল গ্ৰাহকে নিজৰ ফোনত ইউ এছ এছ ডি কল ফৰৱাৰ্ডিং সুবিধা সক্ৰিয় কৰিছে তেওঁলোকক ১৫ এপ্ৰিলৰ পিছত এই সেৱা পুনৰ সক্ৰিয় কৰিবলৈ ক’ব কোম্পানীসমূহে। ইয়াৰ বাবে গ্ৰাহকক ইউএছএছডিৰ বাহিৰে আন বিকল্প দিয়া হ’ব। কোম্পানীসমূহক গ্ৰাহকৰ সন্মতি বা অজ্ঞাতে যাতে কল ফৰৱাৰ্ডিঙৰ সুবিধা সক্ৰিয় নহয় তাৰ প্ৰতি লক্ষ্য ৰাখিবলৈ কোৱা হৈছে।