নিউজ ডেস্ক, ২৩ এপ্ৰিলঃ চেতনা লাভ কৰাৰ পাছতহে ল’ৰাটোৱে বুজি পালে যে তেওঁ বাকীবোৰতকৈ পৃথক৷ কাৰণ তেওঁৰ দুয়োখন হাত নাই৷ তাৰ বাবেই উত্তৰ প্রদেশৰ শিৱম কুমাৰে সৰুৰে পৰা আনে কৰিব পৰা কাম কৰিব নোৱাৰিলে৷ অৱশ্যে তেওঁ হাৰ মনা নাছিল৷ ক্রিকেটৰ বেটখন তেওঁৰ আহিলা হৈ পৰিল৷ উত্তৰ প্রদেশৰ ছাহাৰনপুৰ জিলাৰ বাসিন্দা শিৱমে এতিয়া হাত ব্যৱহাৰ নকৰাকৈয়ে অনায়াসে চাৰি আৰু ছয় মাৰিব পাৰে৷ তেওঁৰ প্রিয় ক্রিকেটাৰ ৰোহিত শর্মা৷ ২৪ বছৰীয়া শিৱমে এদিন ভাৰতৰ বিশেষভাৱে সক্ষম দলৰ হৈ খেলাৰ সপোন দেখিছে৷ ৬ বছৰ বয়সৰ পৰাই শিৱমে ক্রিকেটৰ প্রতি প্রেম গঢ়ি তুলিছিল৷ প্রথমতে বেটখন দোলা দিবলৈ অসুবিধা হৈছিল৷ লাহে লাহে সি শিকিলে৷ শিৱমে বাঁও বগলীত বেটখন ধৰি ৰাখিছে৷ অর্থাৎ যেতিয়া শ্বট এটা মাৰিব বিচাৰে, তেতিয়া গোটেই শৰীৰৰ শক্তি ব্যৱহাৰ কৰিব লাগে৷ প্রথমতে শিৱমে ঘৰতে খেলিছিল৷ কিন্তু অকলে খেলি ভাল নাপালে৷ কেতিয়াবা খেলপথাৰলৈ গৈ বাকীবোৰৰ খেল চাইছিল৷ এদিন তেওঁ বন্বুূ–বান্ধৱীৰ লগত খেলাৰ ইচ্ছা প্রকাশ কৰিলে৷ বন্বুূসকলে সেই কথা শুনি আচৰিত হ’ল৷ তেওঁৰ বেটিং দেখি সকলোৱে আচৰিত হৈছিল৷ ক্রমান্বয়ে শিৱম দলৰ এজন গুৰুত্বপূর্ণ ক্রিকেটাৰ হৈ পৰিল৷ এখন মেচত শেষ অভাৰত ২৮ ৰানৰ প্রয়োজন হৈছিল৷ শিৱমে ২৩ ৰান সংগ্রহ কৰে৷ দলটো পৰাস্ত হ’লেও সকলোৱে তেওঁৰ বেটিঙৰ প্রশংসা কৰে৷ শিৱমে উত্তৰ প্রদেশৰ বিভিন্ন জিলাত স্থানীয় প্রতিযোগিতা খেলিবলৈ গৈছিল৷ তেওঁ ৰোহিতৰ অনুৰাগী৷ ভাৰতীয় দলটোৱে যেতিয়াই খেলি থাকে তেতিয়াহ শিৱমে ৰোহিতক চাবলৈ বহি থাকে৷ শিৱমে কামনা কৰে যে তেওঁ এদিন ৰোহিতক লগ পাব৷ ভাৰতৰ বিশেষভাৱে সক্ষম দলত খেলিব বিচাৰিছে শিৱমে৷ তেওঁ দেশক প্রতিনিধিত্ব কৰিব বিচাৰে৷ সংবাদ মাধ্যমৰ সন্মুখত শিৱমে কয়– ‘মই কেতিয়াও ভবা নাছিলোঁ যে মই দুয়োখন হাতৰ অবিহনে থাকিম৷ সৰুৰে পৰাই ক্রিকেট ভাল পাই আহিছোঁ৷ ইয়াৰ সৈতে আগবাঢ়ি যাব বিচাৰোঁ৷ কোনো বাধাই মোক বাধা দিব পৰা নাই৷ ভৱিষ্যতেও কৰিব নোৱাৰিব৷ এদিন মই ভাৰতৰ হৈ খেলিম৷’