নিয়মীয়া বাৰ্তা, ১ জানুৱাৰী: হেপ্পী বাৰ্থডে’এণ্ড হেপ্পী নিউ ইয়েৰ।অভিনেত্ৰী বিদ্যা বালনলৈ আজি দুধৰণৰ শুভেচ্ছা অনুৰাগীৰ। সুকীয়া ষ্টাইল, অনন্য অভিনয় আৰু কিছু ব্যতিক্ৰমী ব্যক্তিত্বৰে বলীউডত উজলি থকা এটি তাৰকা বিদ্যা বালনক কোনেনো ভাল নাপায়! ১জানুৱাৰীত ৪৩বছৰীয়া জন্মদিন উদযাপন কৰিছে বলিষ্ঠ অভিনেত্ৰীগৰাকীয়ে। ৩১ ডিচেম্বৰৰ মাজ নিশাই ইনষ্টাগ্ৰামত এলানি ফটো পোষ্ট কৰি সকলোকে বিশেষ দিনটো উদযাপনৰ কথা জনালে খোদ তাৰকাগৰাকীয়ে। বাৰ্থডে’গাৰ্ল বিদ্যাই ক’লা পোছাক পৰিধান কৰি অনন্য ভংগীত তোলা ফটোকেইখন বাৰুকৈ চৰ্চিত হোৱাৰ লগতে মুগ্ধ কৰিছে সকলোকে। এইগৰাকী অভিনেত্ৰীক নতুন বছৰত দেখা পাব পৰিচালক শীৰ্ষ গুহা ঠাকুৰটাৰ হাস্যমধুৰ কাহিনীৰ ছবি এখনত। ছবিখনত বিদ্যাৰ লগতে থাকিব প্ৰতীক গান্ধী, সেনডিল ৰামামূৰ্ত্তি আৰু ইলিয়ানা ডিক্ৰুজ।
View this post on Instagram