অসম চৰকাৰৰ স্বাস্থ্য আৰু পৰিয়াল কল্যাণ বিভাগৰ অধীনত পৰিচালিত স্বাস্থ্যসেৱা (পৰিয়াল কল্যাণ) সঞ্চালকালয়ৰ কাৰিকৰী আৰু অকাৰিকৰী বিভাগত খালী হৈছেGrade-III (Technical আৰু Non-Technical) আৰুGrade-IV (Non-Technical)ৰ ভিন্ন বর্গৰ ২০৭টা পদ৷ যোগ্য প্রার্থীৰ পৰা আবেদন আহ্বান কৰি বিভাগীয় সঞ্চালকে এক নিয়োগ বিজ্ঞাপন সংবাদ পত্রত প্রকাশ কৰিছে৷ প্রকাশিত বিজ্ঞাপনৰ তথ্য অনুসৰি, খালী পদসমূহৰ ভিতৰত আে– ANM/Auxiliary Nurse of Midwives (166), LDA (Computer Assistant)/Steno Typist (16) আৰুGrade-IV (25)৷ANM/Auxiliary Nurse & Midwives পদৰ প্রার্থীIndian Nursing Council আৰ Assam Nursing Councilৰ দ্বাৰা স্বীকৃতিপ্রাপ্ত শিক্ষানুষ্ঠানৰ পৰা ANMৰ ডিগ্রীধাৰী আৰুAssam Nurching Councilত নাম পঞ্জীয়নভুক্ত হোৱা হ’ব লাগিব৷ দৰমহাৰ নিৰিখ মাহে ১৪,০০০–৬০,৫০০ টকাসহ ৬,২০০ টকাৰ গ্রেড পে’ লাভ কৰিব৷LDA (Computer Assistant)/Steno Typist পদৰ প্রার্থী কলা/বাণিজ্য/বিজ্ঞানৰ স্নাতক ডিগ্রাধাৰী আৰু কম্পিউটাৰ এপ্লিকেচনৰ এবছৰীয়া পাঠ্যক্রমৰ ডিপ্ল’মাধাৰী হোৱা হ’ব লাগিব৷ দৰমহাৰ নিৰিখ মাহে ১৪,০০০–৬০,৫০০ টকাসহ ৬,২০০ টকাৰ গ্রেড পে’ লাভ কৰিব৷ শেষত,Grade-IV পদৰ প্রার্থী অষ্টম শ্রেণী উত্তীর্ণ হোৱা হ’ব লাগিব৷ দৰমহাৰ নিৰিখ মাহে ১২,০০০–৫২,০০০ টকাসহ ৩,৯০০ টকাৰ গ্রেড পে’ লাভ কৰিব৷ বয়স ১ জানুৱাৰী, ২০২১লৈ ১৮–৪০৷ বয়সৰ ঊর্ধ্বসীমা সংৰক্ষিত শ্রেণীৰ প্রার্থীয়ে চৰকাৰী বিধিগত ৰেহাই লাভ কৰিব৷ আগ্রহীসকলে বিজ্ঞাপন বিষয়ক সবিশেষ তথ্যৰ লগতে পদৰ বাবে থাকিবলগীয়া শৈক্ষিক অর্হতা, অভিজ্ঞতা, বয়স শ্রেণীকে ধৰি অনলাইনযোগে আবেদন দাখিল কৰিবলৈ বিভাগীয় ৱেবছাইটwww.dhsfw.assam.gov.in ভিজিট কৰিব পাৰে৷ অনলাইনযোগে আবেদন দাখিলৰ আৰম্ভণি আৰু অন্তিম তাৰিখ বর্তমানলৈকে ঘোষণা কৰা হোৱা নাই৷ আগ্রহীসকলে বিভাগীয় ৱেবছাইট নিয়মীয়াকৈ চাই থাকিব৷