বিশেষ বাৰ্তা, ৩১ মাৰ্চঃ আজি পুৱা ৯ বজাৰ পৰা আৰম্ভ হৈছে ৰাজ্যসভাৰ নিৰ্বাচন। বিধানসভাৰ চেন্ট্ৰেল হলত চলি থকা ভোটগ্ৰহণত শাসকীয় বিজেপিৰ হৈ প্ৰথমটো ভোট দিলে সিদ্ধাৰ্থ ভট্টাচাৰ্য আৰু বিপিএফৰ দূৰ্গাদাস বড়োৱে। দুখন আসনৰ বাবে বিয়লি ৪ বজালৈ চলিব ভোটগ্ৰহণ প্ৰক্ৰিয়া। ৫ বজাৰ পৰা আৰম্ভ হ’ব ভোটগণনা। সন্ধিয়া ৬ বজাত আনুষ্ঠানিকভাৱে ফলাফল ঘোষণা কৰা হ’ব। ৰাজ্যসভাৰ নিৰ্বাচনত বিজেপিৰ মিত্ৰজোঁটৰ প্ৰাৰ্থী হিচাপে পবিত্ৰ মাৰ্ঘেৰিটাৰ জয় প্ৰায় নিশ্চিত। দ্বিতীয়খন আসনত বিজেপি মিত্ৰজোঁটৰ ইউপিপিএলৰ প্ৰাৰ্থী ৰণগৌৰা নাৰ্জাৰী আৰু বিৰোধী প্ৰাৰ্থী ৰিপুণ বৰাৰ মাজত যুদ্ধ অব্যাহত। শাসকীয় পক্ষৰ তিনিজনৰ ভোট নাকচ হোৱা বুলি বিৰোধীয়ে দাবী কৰিছে।