বিশেষ বাৰ্তা, ১১ এপ্ৰিলঃ ঝাৰখণ্ডৰ দেওঘৰৰ ত্রিকূট পাহাৰত ভয়াৱহ ৰোপৱে’ দুর্ঘটনা সংঘটিত হৈছে। দুৰ্ঘটনাত দুগৰাকী মহিলাৰ মৃত্যু হৈছে। গুৰুতৰভাৱে আহত হৈছে ১০ জন। আহতসকলৰ ভিতৰত আছে মহিলা আৰু শিশুও। দেওবাৰে বিয়লি দুখন কেবল কাৰে সমুখা সমুখিকৈ খুন্দিওৱাত দুর্ঘটনাটো ঘটে। তাৰ পাছৰে পৰা সোমবাৰে দুপৰীয়ালৈ ৪৭ যাত্ৰী ৰোপৱে’ত ওলমি আছে। দুর্ঘটনাৰ খবৰ পোৱাৰ পাছত ঘটনাস্থলীত উপস্থিত হৈ দুৰ্যোগ ব্যৱস্থাপনা বিভাগে উদ্ধাৰকাৰ্য চলাইছে। লগতে সেনা আৰু অৰ্ধ সামৰিক বাহিনীৰ দল উপস্থিত হৈছে। উদ্ধাৰকাৰ্যত নামিছে বায়ুসেনাৰ দুখনকৈ হেলিকপ্টাৰ।