বিশেষ বাৰ্তা, ১১ মেঃ বিগত বৰ্ষসমূহৰ দৰে এই বছৰো নগাঁও চহৰৰ দক্ষিণ হয়বৰগাঁৱৰ ৬ নং মহলাৰ অন্তৰ্গত সামাদ্দাৰ পট্টিত বাবা লোকনাথ বৈদিক বিকাশ জনকল্যান ন্যাসৰ উদ্যোগত আৰু স্থানীয় ৰাইজৰ সহযোগত বৰ্ণাঢ্য কাৰ্য্যসূচীৰে এখনি সর্বধর্মীয় প্রার্থনা সভা অনুষ্ঠিত কৰা হয়৷ তদুপলক্ষে কালি পুৱা কূশল চন্দ্ৰ বৰাৰ দ্বাৰা নামঘোষা পাঠৰ জৰিয়তে প্ৰাৰ্থনা সভাখনিৰ শুভাৰম্ভণি কৰা হয়। গিয়ানি শ্বেৰ সিং আৰু সংগীসকলে শিখ ধৰ্মীয় গীত পৰিবেশন কৰে। নগাওঁ বেপ্তিছ গীৰ্জাৰ ধৰ্মগুৰু অলিভ মাৰিয়ানৰ দ্বাৰা বাইবেল পাঠ, মৌলানা কৰিম চাহাব আৰু সংগীবৃন্দই কোৰাণ তেলাৱত কৰে। দুপৰীয়া আহাৰ বিতৰণ, বিহাৰী সম্প্ৰদায়ৰ ভজন কীৰ্তন, বঙালী সম্প্ৰদায়ৰ কীৰ্তন ভাগৱত পাঠ, নিমন্ত্ৰিত অতিথি বৃন্দক সম্বৰ্ধনা অনুষ্ঠান, সমজুৱা আধ্যাত্মিক সভা, স্মৃতি তৰ্পন আৰু বন্তি প্ৰজ্বলন, বৰগীত, হনুমান চালিছা পাঠ আৰু দিহানাম অনুষ্ঠিত হয়। বিশিষ্ট অতিথি হিচাপে নগাঁও জিলা সাহিত্য সভাৰ সভাপতি পৰাণ কুমাৰ বৰুৱা , বিশিষ্ট সাংবাদিক কনক হাজৰিকা, অজয় মাহতু ,বিশিষ্ট সমাজকৰ্মী তথা ব্যৱসায়ী বিনোদ খেটাৱত, গৌতম ভট্টাচাৰ্য ,দিৱ্যজ্যোতি বৰুৱা, বিজেপি নেত্ৰী ৰশ্মি শৰ্মা স্থানীয় সমাজকৰ্মী খগেন বৰা আদিয়ে অংশগ্ৰহণ কৰে ৷ বিশ্বশান্তি কামনাৰে আয়োজন কৰা উক্ত সভাত সকলো ধৰ্মাৱলম্বী ভক্তপ্ৰাণ ৰাইজে অংশ গ্ৰহণ কৰি উক্ত অনুষ্ঠানটো সাফল্য মণ্ডিত কৰি তোলে। স্মৰণীয় যে দুলাল কৃষ্ণ পাল, আবুল হুছেইন, বেদান্ত হাজৰিকা, জগদীশ শইকীয়া, মাজাৰুল হক, হিল্লোল লস্কৰ, সন্দীপ সিং, কালিপদ কৰ্মকাৰ, অজয় সৰকাৰৰে গঠিত উপদেষ্টা কমিটীৰ এনে ব্যতিক্ৰমী পদক্ষেপে নগঞাঁ ৰাইজৰ প্ৰশংসা বুটলিবলৈ সক্ষম হৈছে। অবিনাশ বৰা, শংকৰ দত্ত,কাজল দত্ত, মানৱ প্ৰতীম বৰা, অৰুণ শীল, সীতাৰাম দাস, চিৰাজুল হক, ৰাজ শৰ্মা, আৰিফুল ইছলাম আহ্বায়ক হিচাপে থকা সভাখনত অঞ্চলটোৰ কেইবা শতাধিক ভক্ত প্ৰাণ ৰাইজ উপস্থিত থাকে।
প্ৰেৰক কনক হাজৰিকা