বিশেষ বাৰ্তা, ২৭ মেঃ প্ৰেম অন্ধ। প্ৰেমে নামানে কোনো বাধা, প্ৰেমৰ নাতাকে কোনো বয়স। এয়া কেৱল এটা প্ৰবাদ নহয়। ১৯ বছৰীয়া এজন যুৱকে এই প্ৰবাদক সত্য কৰি দেখুৱাইছে বিশ্ববাসীক। আমেৰিকাৰ যুৱকজনে প্ৰেমত পৰিছে এগৰাকী মহিলাৰ,যাৰ বয়স যুৱকজনৰ বয়সতকৈ বহু বেছি। শুনি আচৰিত হ’ব যে প্ৰেমিকাৰ বয়স ৭৬ বছৰ, যিটো যুৱকজনৰ আইতাকৰ বয়স। তেওঁলোকৰ সম্পৰ্কক লৈ ছ’চিয়েল মিডিয়াত তীব্ৰ সমালোচনা হৈছে। ১৯ বছৰীয়া জিউচেপে ডি’আনাই আইতাকৰ বয়সৰ এগৰাকী মহিলাৰ সৈতে আনুষ্ঠানিকভাৱে সম্পৰ্ক গঢ়াৰ ফটো শ্বেয়াৰ কৰি ভাবিছিল যে তেওঁ অভিনন্দন লাভ কৰিব। কিন্তু মানুহে তেওঁক অভিনন্দন জনোৱাৰ সলনি কেৱল সমালোচনাহে কৰিছে। ছচিয়েল মিডিয়াত প্ৰকাশ কৰা এখন ফটোত তেওঁ প্ৰেয়সীক প্ৰপ’জ কৰা দেখা গৈছে। আঁঠুত বহি হৃদয় আকৃতিৰ কেইবাটাও ৰঙা বেলুন হাতত লৈ আছে। আন এখন ফটোত প্ৰেমিকাক চুমা খাই থকা দেখা গৈছে যুৱকজনক।